.jpg)
തേങ്ങാക്കൊത്ത് വറുത്ത ചേർത്ത സ്പെഷ്യൽ ബീഫ് ഫ്രൈ
ബീഫ് ഫ്രൈ ഉണ്ടാക്കാൻ ആവശ്യമായവ:
ബീഫ് 1 കിലോ
സവാള 3. ഒരു വലുതും രണ്ട് ചെറുതും
ഇഞ്ചി ഒരു വലിയ കഷണം
വെളുത്തുള്ളി 810 ഗ്രാം
പച്ചമുളക് 6 എണ്ണം
മുളക്പൊടി 1 സ്പൂൺ
മല്ലിപ്പൊടി 1 സ്പൂൺ
മഞ്ഞള്പ്പൊടി – ½ സ്പൂൺ
ഗരം മസാല 1 സ്പൂൺ
ചുവന്നുള്ളി 15 (ചെറുതായി അരിഞ്ഞത്)
കുരുമുളക്പൊടി ½ – 1 സ്പൂൺ
പെരുഞ്ചീരകം ½-1 സ്പൂൺ
തേങ്ങാക്കൊത്ത് 3 സ്പൂൺ
കറിവേപ്പില 15 തണ്ട്
ഉപ്പ് ആവശ്യത്തിന്
ഉണ്ടാക്കേണ്ടവിധം
ബീഫ് ചെറിയ കഷണങ്ങളായി അരിഞ്ഞു കഴുകി വാരി അല്പം മഞ്ഞപൊടിയും ഉപ്പും ചേര്ത്ത് ഒരു കണ്ണപ്പയിൽ വെള്ളം വാലാൻ വയ്ക്കുക. അല്പം കുരുമുളക് പൊടിയും കൂടി ചേർത്ത് കുക്കറിൽ വെച്ചു ആവശ്യത്തിനു വെള്ളം ഒഴിച്ച് (1 കിലോ / 1/2 കപ്പു വെള്ളം ) നല്ല ബീഫ് ആണെങ്കിൽ 4-5 വിസിൽ മതി, അല്ലെങ്കിൽ 6-7 വേണം. ) വേവിക്കുക.
ഒരു ചീനച്ചട്ടിയിൽ കറിവേപ്പില താളിച്ച് തേങ്ങാക്കൊത്ത് ചേർത്ത്, ശേഷം ഇഞ്ചിയും വെളുത്തുള്ളിയും ചെറിയഉള്ളിയും സവാളയും പച്ചമുളകും വഴറ്റി മസാലകൾ ചേർത്ത് ചൂടാക്കി അതിലേക്കു അല്പം ചൂട് വെള്ളമൊഴിച്ച് വെന്തിരിക്കുന്ന ബീഫും കൂടി ചേർത്ത് ഇളക്കുക. നന്നായി വെള്ളം വറ്റിച്ചു എടുക്കണം. വെള്ളം വറ്റുന്തോറും മസാലയെല്ലാം നന്നായി ബീഫിൽ പിടിയ്ക്കും. നന്നായി ഫ്രൈ ആകാൻ 20 മിനിറ്റ് വേണം അടിയ്ക്ക് പിടിക്കാതെ ഇടയ്ക്കിടെ ഇളക്കി കൊടുക്കണം.
ഇനി ആണ് ബീഫ് ഫ്രൈ എങ്ങനെ രുചി കൂട്ടാമെന്ന് നോക്കേണ്ടത്, ഫ്രൈ ആയി കൊണ്ടിരിക്കുമ്പോൾ അൽപം കുരുമുളക് ഒന്ന് വിതറി ചേർക്കു ക. 3 കഷണം വെളുത്തുള്ളി ചതച്ചതും ചേർക്കണം. ശേഷം ഒരു തണ്ട് കറിവേപ്പിലയും കൂടി ചേർത്താൽ അഹ എന്താ ഒരു മണവും രുചിയും. ഒടുവിൽ ഒരു നുള്ള് പെരുംജീരകം ചേർക്കംണം. ഇങ്ങനെ തന്നെ ചെയ്തു നോക്ക്, തകര്പ്പൻ ബീഫ് ഫ്രൈ ആണെന്ന് നിങ്ങളെന്നല്ല ആരും പറയും. ഒരു സവാള കൂടി അരിഞ്ഞുവെച്ചാൽ അലങ്കാരമായി.
നമ്മൾ വീട്ടിൽ പൊടിച്ചുണ്ടാക്കുന്ന ഗരം മസാല ചേർത്താൽ ഹോ ആ സ്വാദ് ഒന്ന് വേറെ തന്നെയാണ്. രുചികരമായ ബീഫ് ഫ്രൈ റെഡി