.jpg)
ഞങ്ങള് പിരിയുന്നു ,അസംബന്ധ കഥകള് പ്രചരിപ്പിക്കരുത്': കുറിപ്പുമായി മൗനി റോയിയും സൂരജും
വിവാഹബന്ധം വേര്പ്പെടുത്തുകയാണെങ്കിലും ഞങ്ങള് തമ്മിലുള്ള സൗഹൃദം തുടരും,' കുറിപ്പില് പറയുന്നു.
വിവാഹമോചനം സ്ഥിരീകരിച്ച് നടി മൗനി റോയിയും സൂരജ് നമ്പ്യാരും. ദാമ്പത്യബന്ധം വേര്പ്പെടുത്താന് തീരുമാനിച്ചുവെന്ന് ഇരുവരും സമൂഹമാധ്യമങ്ങളിലൂടെയാണ് അറിയിച്ചത്. കഴിഞ്ഞ് കുറച്ച് ദിവസങ്ങളായി വിവാഹമോചനത്തെ കുറിച്ചുള്ള ചില അഭ്യൂഹങ്ങള് പുറത്തുവന്നിരുന്നു. തങ്ങളുടെ വ്യക്തിജീവിതത്തിലേക്ക് ചില മാധ്യമങ്ങള് അനാവശ്യമായി കടന്നുകയറാന് ശ്രമിച്ചുവെന്ന് മൗനി റോയിയും സൂരജും സോഷ്യല് മീഡിയയില് പങ്കുവെച്ച കുറിപ്പില് വ്യക്തമാക്കുന്നുണ്ട്.
'ഞങ്ങള് ഇരുവരും പിരിയാന് തീരുമാനിച്ചിരിക്കുകയാണ്. സ്വകാര്യമായും ഏറ്റവും സംയമനത്തോടെയും ഈ ഘട്ടത്തെ നേരിടാന് ഞങ്ങള് തീരുമാനിച്ചിരിക്കുകയാണ്. ഞങ്ങളുടെ വിവാഹജീവിതത്തെ കുറിച്ചും ബന്ധത്തെ കുറിച്ചും തികച്ചും വസ്തുതാവിരുദ്ധമായ പല അസംബന്ധ കഥകളും പലരും പ്രചരിപ്പിക്കുന്നുണ്ട്.
പരസ്പരം ആലോചിച്ചും മനസിലാക്കിയും ഇരുവരുടെയും വ്യക്തിജീവിതത്തെയും ആഗ്രഹങ്ങളെയും ബഹുമാനിച്ചുമാണ് ഞങ്ങള് പിരിയാന് തീരുമാനിച്ചിരിക്കുന്നത്. വിവാഹബന്ധം വേര്പ്പെടുത്തുകയാണെങ്കിലും ഞങ്ങള് തമ്മിലുള്ള സൗഹൃദം തുടരും,' കുറിപ്പില് പറയുന്നു.
2022 ജനുവരി 27നാണ് മലയാളിയായ സൂരജ് നമ്പ്യാറും ബോളിവുഡ് നടി മൗനി റോയിയും വിവാഹിതരാകുന്നത്. കേരളത്തിന്റെയും മൗനി റോയിയുടെ ജന്മനാടായ പശ്ചിമ ബംഗാളിന്റെയും രീതികള് ഇടകലര്ത്തായിരുന്നു വിവാഹച്ചടങ്ങുകള്. ഇത് സമൂഹമാധ്യമങ്ങളില് ഏറെ ശ്രദ്ധ നേടിയിരുന്നു.
ബിസിനസുകാരനായ സൂരജ് നമ്പ്യാര് ഇന്വെസ്റ്റ്മെന്റ് ബാങ്കര് കൂടിയാണ്. ടെലിവിഷന് സീരിയലുകളിലൂടെ അഭിനയരംഗത്തേക്ക് കടന്നുവന്ന മൗനി റോയ് പിന്നീട് ബോളിവുഡിലേക്കും ചുവടുവെക്കുകയായിരുന്നു. മോഡലിംഗ് രംഗത്തും ശ്രദ്ധേയയായി