ബ്ലഡ് മൂൺ മാർച്ച് മൂന്നിന്

ഇന്ത്യയിൽ അപൂർവ്വമായ ബ്ലഡ് മൂൺ പ്രതിഭാസം മാർച്ച് 3-ന്  ദൃശ്യമാകും. പൂർണ ചന്ദ്രഗ്രഹണ സമയത്ത് ചന്ദ്രൻ രക്തച്ചുവപ്പ് നിറത്തിൽ തെളിയുന്നത് ഈ പ്രതിഭാസത്തിന്റെ പ്രത്യേകതയാണ്.

ഭൂമി സൂര്യനും ചന്ദ്രനും ഇടയിൽ കൃത്യമായി വരുമ്പോൾ, ഭൂമിയുടെ അന്തരീക്ഷത്തിലൂടെ കടന്ന് പോകുന്ന തരം​ഗ ദൈർഘ്യം കുറഞ്ഞ നീല പ്രകാശം ചിതറി പോകുകയും, തരം​ഗ ദൈർഘ്യം കൂടിയ ചുവന്ന പ്രകാശം ചന്ദ്രനിൽ പതിക്കുന്നതിലൂടെയുമാണ് ബ്ലഡ് മൂൺ ദൃശ്യമാകുന്നത്. കേരളത്തിൽ വൈകുന്നേരം 6.30 മുതൽ 7.53 വരെയും, ന്യൂഡൽഹിയിൽ വൈകുന്നേരം 5.21 മുതൽ 6.23 വരെയും ഗ്രഹണം കാണാൻ കഴിയുമെന്ന് ശാസ്ത്രജ്ഞർ അറിയിച്ചു. ചന്ദ്രോപരിതലത്തിലെ ഗർത്തങ്ങളും നിഴലുകളും കൂടുതൽ കാണാൻ ബൈനോക്കുലർ ഉപയോഗിക്കാം.