.jpg)
വിജയ് ചിത്രം ജനനായകനും ശിവകാര്ത്തികേയന്റെ പരാശക്തിയും ഒരേസമയം റിലീസിനൊരുങ്ങുന്നു
ജനുവരി 9 ന് ജനനായകന് തിയേറ്ററില് എത്തുമ്പോള് തൊട്ടടുത്ത ദിവസം 10 ന് പരാശക്തിയും എത്തും.
2026 പൊങ്കലിന് വിജയ് ചിത്രം ജനനായകനും ശിവകാര്ത്തികേയന്റെ പരാശക്തിയും ക്ലാഷിന് ഒരുങ്ങുകയാണ്. ജനുവരി 9 ന് ജനനായകന് തിയേറ്ററില് എത്തുമ്പോള് തൊട്ടടുത്ത ദിവസം 10 ന് പരാശക്തിയും എത്തും. ഈ ക്ലാഷ് തമിഴ് സിനിമയില് വലിയ വാര്ത്തയായിരുന്നു. രാഷ്ട്രീയമായ നീക്കമാണ് ഇതെന്ന് വരെ ആരോപണമുണ്ടായിരുന്നു. ഇപ്പോഴിതാ ഇതില് വിശദീകരണവുമായി എത്തുകയാണ് സിനിമയുടെ നിര്മാതാവ്.
'പരാശക്തിയുടെ ഷൂട്ടിങ്ങ് തുടങ്ങി ആദ്യ ദിവസം തന്നെ പൊങ്കല് റിലീസ് ഞങ്ങള് ലോക്ക് ചെയ്തതാണ്. ചിത്രത്തിന്റെ ടീസറുകളിലും ബന്ധപ്പെട്ട ഇന്റര്വ്യൂകളിലും ഞാന് തന്നെ ഇത് പറഞ്ഞിട്ടുള്ളതാണ്. പക്ഷേ ചില ആളുകള് അനാവിശ്യമായ വിവാദമാണ് സൃഷ്ടിക്കുന്നത്. ഇരുപത് വര്ഷങ്ങള്ക്ക് മുമ്പ് പൊങ്കലിന് പത്തോളം ചിത്രങ്ങളാണ് ക്ലാഷ് റിലീസായി തിയേറ്ററില് എത്തിയിരുന്നത്. അതുകൊണ്ട് തന്നെ ഇതൊരു മത്സരമായി കാണേണ്ടതില്ല. ഇരു ചിത്രങ്ങള്ക്കും ഗുണം മാത്രമേ ഒരുമിച്ച് റിലീസ് ചെയ്യുമ്പോള് ഉണ്ടാകുകയുള്ളൂ,' ആകാശ് പറയുന്നു. പൊങ്കലിന് ലഭിക്കുന്ന പത്ത് ദിവസത്തെ അവധി വെറുതെ കളയേണ്ടതില്ലെന്നാണ് തിയേറ്റര് ഉടമകളും, ഡിസ്ട്രിബ്യൂട്ടേഴ്സും പറയുന്നതെന്നും അതുകൊണ്ടാണ് പരാശക്തിയുടെ റിലീസ് ഡേറ്റ് ജനുവരി 10 ആയി തീരുമാനിച്ചതെന്നും നിര്മാതാവ് കൂട്ടിച്ചേര്ത്തു
