ടീ-ഷർട്ട് ബിസിനസ് പൂട്ടി ; തുറന്നുപറഞ്ഞ് നമിതാ പ്രമോദ്

 അഭിനയത്തിൽ മാത്രമല്ല, സംരംഭകത്വത്തിലൂടെയും ശ്രദ്ധ നേടിയ താരമാണ് നമിതാ പ്രമോദ്. ‘സമ്മർ ടൗൺ’ എന്ന കഫേ വിജയകരമായി മുന്നോട്ട് കൊണ്ടുപോകുന്നതിനൊപ്പം, ‘പെപ്രിക്ക’ എന്ന ടീ-ഷർട്ട് ബ്രാൻഡും താരം ആരംഭിച്ചിരുന്നു. എന്നാൽ ആ സംരംഭം പ്രതീക്ഷിച്ചതുപോലെ മുന്നോട്ട് പോയില്ലെന്നും സാമ്പത്തിക നഷ്ടം നേരിട്ടതിനെ തുടർന്ന് അത് അവസാനിപ്പിക്കേണ്ടിവന്നതായും നമിത തുറന്നുപറയുന്നു. 

'ഞാൻ ക്ലോത്തിം​ഗ് ബിസിനസ് തുടങ്ങിയിരുന്നു. ‌ടീ ഷർട്ടുകളായിരുന്നു. പക്ഷെ അത് വർക്കൗട്ടായില്ല. അപ്പോൾ ഞാനത് ക്ലോസ് ചെയ്തു. ഒരു ബിസിനസ് നഷ്ടത്തിലാണ് പോകുന്നതെങ്കിൽ നല്ല ഭാവി കാണുന്നില്ലെങ്കിൽ വീണ്ടും ആ ബിസിനസിലേക്ക് ഇൻവെസ്റ്റ് ചെയ്യാതെ ക്ലോസ് ചെയ്യുന്നതാണ് നല്ലത്. വെറുതെ കാശ് ചെലവിട്ട് കൂടുതൽ മോശമാക്കാതെ എവിടെ കയ്യിൽ നിന്ന് പാളി എന്ന് തോന്നുന്നോ അവിടെ വെച്ച് ക്ലോസ് ചെയ്യുക. എന്നിട്ട് അടുത്തത് ചിന്തിക്കാം.

പെപ്രിക്ക എന്നായിരുന്നു ടീ ഷർട്ട് ബ്രാൻഡിന്റെ പേര്. ഓവറായുള്ള പ്രൊഡക്ഷൻ തിരിച്ചടിച്ചു. തുടക്കത്തിൽ തന്നെ ഒരുപാട് സ്റ്റോക്കുകൾ ഉണ്ടായിരുന്നു. മെൻസ് വിയറിന് കുറച്ച് ചലഞ്ചിം​ഗ് ആയ ഘട്ടമാണിത്. ഞാനതിൽ നിന്നും ഒരുപാട് കാര്യങ്ങൾ പഠിച്ചു. പ്ലാനിം​ഗ് ഇല്ലാത്തത് കൊണ്ട് ബ്രാൻഡിനെയും ബാധിച്ചു. സമ്മർ ടൗൺ എന്ന കഫേ തുട‌ങ്ങിയതിന് പിന്നിൽ ഭക്ഷണം കഴിക്കാനും ആസ്വദിക്കാനും എനിക്കിഷ്ടമാണ്. ഞങ്ങൾക്ക് ഇങ്ങനെയൊരു ബിസിനസിനുള്ള റിസോഴ്സസ് ഉണ്ടായിരുന്നു. അപ്പോൾ കുറച്ച് കൂടെ എളുപ്പമായിരുന്നു,' നമിത പറഞ്ഞു.