.jpg)
പൊങ്കാലയില് ഞെട്ടിക്കുന്ന പ്രകടനവുമായി ശ്രീനാഥ് ഭാസി
സിനിമയുടെ മേക്കിങ്ങിനും കയ്യടി ലഭിക്കുന്നുണ്ട്.
ശ്രീനാഥ് ഭാസി നായകനായി എത്തുന്ന പൊങ്കാല ഇന്ന് തിയേറ്ററുകളിലെത്തി. മികച്ച പ്രതികരണമാണ് സിനിമയ്ക്ക് ആദ്യ ഷോ കഴിയുമ്പോള് ലഭിക്കുന്നത്. പ്രകടനം കൊണ്ട് ശ്രീനാഥ് ഭാസി ഞെട്ടിച്ചെന്നും സിനിമയിലെ ആക്ഷന് സീനുകള് ഗംഭീരമായിട്ടുണ്ട് എന്നാണ് പ്രതികരണങ്ങള്. സിനിമയുടെ മേക്കിങ്ങിനും കയ്യടി ലഭിക്കുന്നുണ്ട്.
എ ബി ബിനില് ആണ് ഈ ചിത്രത്തിന്റെ കഥയും തിരക്കഥയും ഒരുക്കി സംവിധാനം ചെയ്യുന്നത്. ഗ്ലോബല് പിക്ചേഴ്സ് എന്റര്ടെയ്ന്മെന്റ്, ജൂനിയര് 8 ബാനറില് ഒരുങ്ങുന്ന ചിത്രം ദീപു ബോസും അനില് പിള്ളയും ചേര്ന്ന് നിര്മിക്കുന്നു. ചിത്രത്തിന് ഡോണാ തോമസ് ആണ് കോ- പ്രൊഡ്യൂസര്. ശ്രീനാഥ് ഭാസിയുടെ 'മഞ്ഞുമ്മല് ബോയ്സ്' എന്ന ഹിറ്റ് ചിത്രത്തിനു ശേഷം ഒരു നടന്ന സംഭവത്തെ ആസ്പദമാക്കി ഒരുങ്ങുന്ന ചിത്രം കൂടിയാണ് ഇത്. ചിത്രത്തില് യാമി സോനാ, ബാബുരാജ്, സുധീര് കരമന, സാദിഖ്, സമ്പത്ത് റാം, അലന്സിയര്, കിച്ചു ടെല്ലസ്, സൂര്യകൃഷ്, ഇന്ദ്രജിത്ത് ജഗജിത്, ജീമോന് ജോര്ജ്, മുരുകന് മാര്ട്ടിന് സ്മിനു സിജോ, ശാന്തകുമാരി, രേണു സുന്ദര് എന്നിവരും പ്രധാന കഥാപാത്രങ്ങളായെത്തുന്നു.
