.jpg)
ശിവകാര്‍ത്തികേയൻ ചിത്രം രജനിമുരുഗൻ വീണ്ടും തിയറ്ററുകളിലേക്ക്
തമിഴകത്തിന്റെ ശിവകാര്‍ത്തികേയൻ നായകനായി എത്തിയ ചിത്രമാണ് രജനിമുരുഗൻ. 2016ലാണ് ചിത്രം പ്രദര്‍ശനത്തിന് എത്തിയത്. ഇപ്പോഴിതാ ചിത്രം വീണ്ടും തിയറ്ററുകളിലേക്ക് എത്തുകയാണ്. മാര്‍ച്ച് 14നാണ് രജനിമുരുകൻ ചിത്രം വീണ്ടും തിയറ്ററുകളില്‍ എത്തുന്നത്. പൊൻറാമാണ് ചിത്രത്തിൻ്റെ സംവിധാനം നിർവ്വഹിച്ചിരുന്നത്. തിരക്കഥ എഴുതിയതും പൊൻറാം തന്നെയാണ്.
ബാലസുബ്രഹ്‍മണ്യമാണ് രജനിമുരുഗന്റെ ഛായാഗ്രാഹണം നിര്‍വ്വഹിച്ചത്. കീര്‍ത്തി സുരേഷ് നായികയായി എത്തിയ ചിത്രത്തില്‍ സൂരി, സമുദ്രകകനി, അച്യുത് കുമാര്‍, ധീപ രാമാനുജം, മനോബാല, നമോ നാരായണ, വേല രാമമൂര്‍ത്തി, സുബ്രഹ്‍മണ്യപുരം രാജ, മീന, ബാവൻ അനേജ, നാടോടികള്‍ ഗോപാല്‍, ഗജരാജ്, ദര്‍ശൻ എന്നിവരും എത്തിയിരുന്നു.
തമിഴകത്തിന്റെ ശിവകാര്‍ത്തികേയൻ നായകനായി ഒടുവില്‍ എത്തിയ ചിത്രം അമരൻ ആണ്. അമരൻ 2024ല്‍ സര്‍പ്രൈസ് ഹിറ്റ് ചിത്രമായി മാറിയിരുന്നു. ശിവകാര്‍ത്തികേയന്റെ അമരൻ ആഗോളതലത്തില്‍ 334 കോടിയോളം നേടിയിരുന്നു. മേജര്‍ മുകുന്ദ് വരദരാജന്റെ ജീവിതം പറഞ്ഞതായിരുന്നു ചിത്രം എത്തിയിരുന്നത്.
മേജര്‍ മുകുന്ദ് വരദരാജനായിട്ടാണ് ശിവകാര്‍ത്തികേയൻ ചിത്രത്തില്‍ എത്തിയത്. ഇന്ദു റെബേക്ക വര്‍ഗീസായി ചിത്രത്തില്‍ എത്തിയത് സായ് പല്ലവിയാണ്. മറ്റ് കഥാപാത്രങ്ങളായി ഭുവൻ അറോറ, രാഹുല്‍ ബോസ്, ലല്ലു, ശ്രീകുമാര്‍, ശ്യാമപ്രസാദ്, ശ്യാം മോഹൻ, ഗീതു കൈലാസം, വികാസ് ബംഗര്‍, മിര്‍ സല്‍മാൻ എന്നിവരുമുണ്ടായിരുന്നു. രാജ്‍കുമാര്‍ പെരിയസ്വാമിയാണ് ചിത്രത്തിൻ്റെ സംവിധാനം നിര്‍വ്വഹിച്ചത്.
