ശ്രുതി ഹാസന്റെ പുതിയ കഥാപാത്രം ; ദുൽഖറിന്റെ 'ആകാശമ്ലോ ഒക താര'യുടെ പോസ്റ്റർ ശ്രദ്ധ നേടുന്നു

 ദുൽഖർ സൽമാൻ നായകനാകുന്ന തെലുങ്ക് ചിത്രം 'ആകാശമ്ലോ ഒക താര'യിൽ ശ്രുതി ഹാസനും പ്രധാന വേഷത്തിലെത്തുന്നു. ചിത്രത്തിൽ രോഹിണി എന്ന കഥാപാത്രത്തെയാണ് ശ്രുതി അവതരിപ്പിക്കുന്നത്. ദീപാവലി ദിനത്തിൽ താരത്തിന്റെ കഥാപാത്രത്തെ പരിചയപ്പെടുത്തുന്ന പോസ്റ്റർ അണിയറപ്രവർത്തകർ പുറത്തുവിട്ടു.

പവൻ സദിനേനി സംവിധാനം ചെയ്യുന്ന ചിത്രം പ്രചോദനാത്മകവും ഹൃദയസ്പർശിയുമായ കഥയാണ് പറയുന്നതെന്നാണ് റിപ്പോർട്ടുകൾ. ദുൽഖറിന്റെ തെലുങ്ക് സിനിമാ സാന്നിധ്യവും ശ്രുതി ഹാസന്റെ കഥാപാത്രത്തെക്കുറിച്ചുള്ള പുതിയ വെളിപ്പെടുത്തലും സിനിമാപ്രേമികൾക്കിടയിൽ ചർച്ചയാകുന്നുണ്ട്.

നവംബർ 20നാണ് ചിത്രം തിയേറ്ററുകളിലെത്താൻ നിശ്ചയിച്ചിരിക്കുന്നത്. കഥാപാത്ര പോസ്റ്റർ പുറത്തുവന്നതോടെ ചിത്രത്തിന്റെ കൂടുതൽ വിവരങ്ങൾക്കായുള്ള കാത്തിരിപ്പിലാണ് ആരാധകർ.