യു.കെയിലെ ഷോകൾ മാറ്റിവെച്ച് സൽമാൻ ഖാൻ

പഹൽഗാം ഭീകരാക്രമണത്തിന്റെ പശ്ചാത്തലത്തിൽ യു.കെയിലെ ഷോകൾ മാറ്റിവെച്ച് സൽമാൻ ഖാൻ. യു.കെയിലെ സന്ദർശനവും അവിടെ നടത്താനിരുന്ന ബോളിവുഡ് ബിഗ് വൺ ഷോകളുമാണ് മാറ്റിവെച്ചത്. ഇതേക്കുറിച്ച് താരം ഔദ്യോഗിക ഇൻസ്റ്റാഗ്രാം പേജിൽ കുറിപ്പ് പങ്കുവെച്ചിട്ടുണ്ട്.

അതേസമയം ഈ ദുഃഖസമയത്ത് ഒരു ഇടവേള നല്ലതാണെന്നും അതിനാൽ താൽകാലികമായി പരിപാടികൾ മാറ്റിവെക്കുന്നുവെന്നും സൽമാൻ കുറിപ്പിൽ പറയുന്നു. അദ്ദേഹം ആരാധകരോട് ക്ഷമ ചോദിക്കുകയും ചെയ്തു. ഷോകളുടെ പുതിയ തീയതികൾ ഉടൻ പ്രഖ്യാപിക്കുമെന്നും അദ്ദേഹം കൂട്ടിച്ചേർത്തു.