കിംഗ്‍സ്റ്റൺ ഇനി ഒടിടി സ്‍ട്രീമിംഗിന്

Qqq കമൽ പ്രകാശ് സംവിധാനം നിർവഹിച്ച ജി വി പ്രകാശ് കുമാർ ചിത്രമാണ് കിംഗ്സ്റ്റൺ. തിയറ്ററിൽ തകർന്നടിഞ്ഞ ചിത്രം ഒടിടിയിലേക്ക് എത്തുകയാണ്. ചിത്രം ഏപ്രിൽ 13ന് സീഫൈവിലൂടെയാണ് ഒടിടിയിൽ എത്തുക.

തിരക്കഥ എഴുതിയതും കമൽ പ്രകാശാണ്. ജി വി പ്രകാശ് കുമാറിനൊപ്പം ചിത്രത്തിൽ ദിവ്യഭാരതി, ചേതൻ, നിതിൻ സത്യ, അഴകം പെരുമാൾ, ഇളങ്കോ കുമാരവേൽ, സാബുമോൻ അബ്‍ദുസമദ്, ഷാ റാ, ആന്റണി, അരുണാചലേശ്വരൻ, രാജേഷ് ബാലചന്ദ്രൻ, റാം നിഷാന്ത് തുടങ്ങിയവരും ചിത്രത്തിൽ വേഷമിട്ടിരുന്നു, ഗോകുൽ ബിനോയ്‍യാണ് ഛായാഗ്രാഹണം നിർവഹിച്ചത്. ജി വി പ്രകാശ് കുമാറാണ് സംഗീതം നിർവഹിച്ചത്.

ജി വി പ്രകാശ് കുമാർ ചിത്രമായി മുമ്പെത്തിയത് ഡിയറാണ്. ഐശ്വര്യ രാജേഷാണ് നായികയായി എത്തിയത്. കുടുംബപ്രേക്ഷകർക്കും പ്രിയപ്പെട്ട ഒന്നായിരിക്കും ഡിയറെന്ന് ചിത്രം കണ്ടവർ എഴുതിയിരുന്നു. ജി വി പ്രകാശ് കുമാർ ചിത്രത്തിന് മുഖത്ത് ചിരി വിടർത്താൻ സാധിക്കും . സ്വാഭാവികമായ പ്രകടനമാണ് ഡിയർ എന്ന ചിത്രത്തിൽ പ്രകാശ് കുമാറിന്റത് എന്നുമാണ് അഭിപ്രായങ്ങൾ. മികച്ച പ്രകടനത്താൽ വിസ്‍മയിപ്പിക്കുകയാണ് ഡിയർ സിനിമയിലും ഐശ്വ്യര്യ രാജേഷ് എന്നാണ് അഭിപ്രായങ്ങൾ. ഡിയർ എന്ന പുതിയ ചിത്രത്തിന്റെ സംവിധാനം ആനന്ദ് രവിചന്ദ്രനാണ്. റൊമാന്റിക് കോമഡി ഗണത്തിലുള്ള ചിത്രത്തിന്റെ സംഗീതം ജി വി പ്രകാശ് കുമാറാണ്. ഛായാഗ്രാഹണം ജഗദീഷ് സുന്ദരമൂർത്തിയാണ്. സൗണ്ട് മിക്സിംഗ് രാഘവ് രമേശായ ചിത്രത്തിന്റെ വസ്‍ത്രാലങ്കാരം അനുഷ മീനാക്ഷി ആണ്. തിരക്കഥയും ആനന്ദ് രവിചന്ദ്രനാണ്. കൊറിയോഗ്രാഫി രാജു സുന്ദരം, ബ്രിന്ദ. സൗണ്ട് മിക്സിംഗ് ഉദയ് കുമാറാകുന്ന ചിത്രത്തിന്റെ സൗണ്ട് ഡിസൈനും രാഘവ് രമേശാണ്.

ജി വി പ്രകാശ്‍ കുമാർ ചിത്രമായി ഇടിമുഴക്കം റിലീസ് ചെയ്യാനുണ്ടെന്നും റിപ്പോർട്ടുണ്ട്. ഇനിയും റിലീസ് പ്രഖ്യാപിച്ചിട്ടില്ലാത്ത ഇടിമുഴക്കത്തിന്റെ സംവിധാനം നിർവഹിച്ചിരിക്കുന്നത് സീനു രാമസ്വാമി ആണ്. സിനിമയുടെ പ്രമേയം സംബന്ധിച്ചതടക്കമുള്ള കാര്യങ്ങൾ ഇതുവരെ വെളിപ്പെടുത്തിയിട്ടില്ല. ജി വി പ്രകാശ് കുമാർ ചിത്രത്തിൽ ഗായത്രിയാണ് നായികയായി എത്തുന്നതെന്നാണ് റിപ്പോർട്ട്. നിർമാണം കലൈമകൻ മുബാറക്കാണ്. ഗ്രാമീണ പശ്ചാത്തലത്തിൽ ഒരുക്കുന്ന ഇടിമുഴക്കം സിനിമയുടെ ഛായാഗ്രാഹണം തേനി. എൻ ആർ രഘുനന്ദനാണ് സംഗീത സംവിധാനം നിർവഹിക്കുന്നത്