ഒരു മിനിറ്റ് നൃത്തം ചെയ്യാൻ ഒരുകോടി രൂപ; ചർച്ചയായി തമന്നയുടെ പ്രതിഫലം

ദക്ഷിണേന്ത്യയിൽ ഏറെ ആരാധകരുള്ള താരമാണ് തമന്ന ഭാട്ടിയ. ഇപ്പോഴിതാ ഒരു നൃത്തത്തിന് തമന്ന വാങ്ങിയ പ്രതിഫലവും ചർച്ചയാകുകയാണ്. ഈ നൃത്തം സിനിമയിലല്ല, മറിച്ച് ഈ പുതുവർഷത്തോടനുബന്ധിച്ച് നടന്ന ഒരു പാർട്ടിയിലാണ്.

2025 ഡിസംബർ 31ന് ഗോവയിലെ ബാഗ ബീച്ചിൽ നടന്ന ന്യൂ ഇയർ പരിപാടിയിൽ തമന്ന നൃത്തം ചെയ്തിരുന്നു. സ്ത്രീ 2 എന്ന ചിത്രത്തിലെ ആജ് കി രാത്ത് എന്ന സൂപ്പർഹിറ്റ് ഗാനം ഉൾപ്പെടെ ആറ് മിനിറ്റ് ആണ് തമന്ന നൃത്തം ചെയ്തത്.
ഒരു മിനിറ്റിന് ഒരുകോടി എന്ന നിരക്കിൽ ആറ് മിനിറ്റിന് 6 കോടി രൂപയാണ് തമന്ന പ്രതിഫലമായി വാങ്ങിയതെന്ന് തമിഴ് മാധ്യമങ്ങൾ റിപ്പോർട്ട് ചെയ്യുന്നു. ഗായകൻ മിലിന്ദ് ഗാബ, ഡിജെ ചെറ്റ്സ്, സ്വപ്നിൽ, മാക് വീര എന്നിവരും ഇതേ പരിപാടിയി ലൈവായി പ്രകടനം നടത്തിയിരുന്നു.