ബോക്സ് ഓഫീസിൽ തരംഗമായി 'ഓം'; ആദ്യദിനം ആഗോളതലത്തിൽ വാരിയത് 33.70 കോടി

'Om' makes waves at the box office; collects Rs 33.70 crores globally on its first day

ചെന്നൈ: മെഗാസ്റ്റാർ മമ്മൂട്ടിയും ധനുഷും പ്രധാന കഥാപാത്രങ്ങളെ അവതരിപ്പിച്ച് രാജ്കുമാർ പെരിയസാമി സംവിധാനം ചെയ്ത തമിഴ് ചിത്രം 'ഓം' (ഓപ്പറേഷൻ മോൾ) ബോക്സ് ഓഫീസിൽ മികച്ച തുടക്കം കുറിച്ചു. റിലീസ് ചെയ്ത ആദ്യദിനം ആഗോളതലത്തിൽ 33.70 കോടി രൂപയാണ് ചിത്രം സ്വന്തമാക്കിയത്. കേരളത്തിൽ നിന്നും 3.80 കോടി രൂപ നേടാൻ ചിത്രത്തിന് സാധിച്ചു. ഒരു ധനുഷ് ചിത്രത്തിന് കേരളത്തിൽ ലഭിക്കുന്ന ഏറ്റവും ഉയർന്ന ഓപ്പണിങ് കളക്ഷൻ എന്ന റെക്കോർഡും ഇതോടെ 'ഓം' സ്വന്തമാക്കി. ചിത്രത്തിന്റെ തെലുങ്ക് പതിപ്പ് 4.10 കോടി രൂപ കളക്ഷൻ നേടിയപ്പോൾ, ഹിന്ദി പതിപ്പിന് 990 ഷോകളിൽ നിന്നായി 40 ലക്ഷം രൂപ മാത്രമാണ് നേടാനായത്.

മമ്മൂട്ടിക്കും ധനുഷിനും പുറമെ നസറുദ്ദീൻ ഷാ, ഇന്ദ്രൻസ്, ശ്രീലീല, സായ് പല്ലവി തുടങ്ങി വമ്പൻ താരനിരയാണ് ചിത്രത്തിൽ അണിനിരക്കുന്നത്. ആന്ധ്രാപ്രദേശ്, തമിഴ്നാട് സംസ്ഥാനങ്ങളിലെ ശേഷാചലം വനമേഖലകൾ കേന്ദ്രീകരിച്ച് നടക്കുന്ന അനധികൃത ചന്ദനമരക്കടത്തിന്റെ പശ്ചാത്തലത്തിലാണ് മൂന്ന് മണിക്കൂറോളം ദൈർഘ്യമുള്ള ഈ ചിത്രം ഒരുക്കിയിരിക്കുന്നത്.

Tags