എന്‍ടിആർ - പ്രശാന്ത് നീല്‍ ചിത്രം 2027 ജൂൺ 11ന് വേൾഡ് വൈഡ് റിലീസ്‌ ; ചിത്രത്തിന്റ ഫസ്റ്റ് ഗ്ലിംപ്സ് മേയ്‌ 20ന് എത്തും

 മാൻ ഓഫ് മാസസ് എൻടിആർ, കെജിഎഫ് സീരീസ്, സലാർ തുടങ്ങിയ സെൻസേഷണൽ ബ്ലോക്ക്ബസ്റ്ററുകൾ നൽകിയ സ്വതന്ത്ര സംവിധായകൻ പ്രശാന്ത് നീലുമായി കൈകോർത്ത ചിത്രം 'എൻടിആർനീൽ' 2027 ജൂൺ 11 ന് ലോകവ്യാപകമായി തിയേറ്ററുകളിലേക്കെത്തും. ചിത്രത്തിന്റെ ഫസ്റ്റ് ഗ്ലിംപ്സ് മേയ്‌ 20ന് റിലീസ്‌ ചെയ്യും. താത്ക്കാലികമായി 'എൻടിആർനീൽ' എന്ന് പേരിട്ടിരിക്കുന്ന ചിത്രത്തിന്റെ ഷൂട്ടിംഗ് പുരോഗമിക്കുകയാണ്.പ്രശാന്ത് നീൽ സംവിധാനം ചെയ്യുന്ന  ആക്ഷൻ- പാക്ക്ഡ് ചിത്രം തെലുങ്ക്, തമിഴ്, ഹിന്ദി, കന്നഡ, മലയാളം, തുടങ്ങി ഭാഷകളിൽ റിലീസ് ചെയ്യുന്നതിനാൽ ആരാധകർ ആകാംക്ഷയോടെ ചിത്രത്തിന്റെ വരവിനായി കാത്തിരിക്കുകയാണ്

പ്രശാന്ത് നീൽ വിഭാവനം ചെയ്തതുപോലെ ശക്തമായ ഒരു വേഷത്തിൽ എൻടിആറിനെ കാണാൻ ആരാധകർ കാത്തിരിക്കുന്ന ചിത്രത്തെക്കുറിച്ച് വലിയ പ്രതീക്ഷയിലാണ് ഓരോ പ്രേക്ഷകനും. തീവ്രമായ ആക്ഷന്റെയും ആകർഷകമായ കഥാസന്ദർഭത്തിന്റെയും ത്രില്ലിംഗ് കോമ്പിനേഷൻ 'എൻടിആർനീൽ' അവതരിപ്പിക്കുമെന്ന് വാഗ്ദാനം ചെയ്യുന്നു.

ബ്ലോക്ക്ബസ്റ്റർ ഹിറ്റുകൾക്ക് പേരുകേട്ട പ്രശാന്ത് നീൽ, എൻടിആറിന്റെ ഓൺ-സ്‌ക്രീൻ വ്യക്തിത്വത്തെ പുതിയ ഉയരങ്ങളിലേക്ക് ഉയർത്തുന്ന തന്റെ അതുല്യമായ മാസ് കാഴ്ചപ്പാട് പ്രൊജക്റ്റിലേക്ക് കൊണ്ടുവരുമെന്ന് പ്രതീക്ഷിക്കുന്നു. പ്രശസ്ത പ്രൊഡക്ഷൻ ഹൗസുകളായ മൈത്രി മൂവി മേക്കേഴ്സും എൻടിആർ ആർട്സും ചേർന്ന് ചിത്രം നിർമിക്കുന്നു. ബാനറിൽ കല്യാണ് റാം നന്ദമുരി, നവീൻ യെർനേനി, രവിശങ്കർ യലമഞ്ചിലി, ഹരി കൃഷ്ണ കൊസരാജു എന്നിവർ ചേർന്നാണ് ചിത്രം നിർമ്മിക്കുന്നത്. ഭുവൻ ഗൗഡ ഛായാഗ്രഹണം കൈകാര്യം ചെയ്യുന്നു. രവി ബസ്രൂർ സംഗീതം നിർവഹിക്കുന്നു. പ്രൊഡക്ഷൻ ഡിസൈൻ കൈകാര്യം ചെയ്യുന്നത് ചലപതിയാണ്.ചിത്രത്തിന്റ ഡി ഓ പി: ഭുവൻ ഗൗഡ, സംഗീതം: രവി ബസ്രൂർ, നിർമാതാക്കൾ: കല്യാണ് റാം നന്ദമുരി, നവീൻ യേർനേനി, രവിശങ്കർ യലമഞ്ചിലി, ഹരികൃഷ്ണ കൊസരാജു, പി ആർ ഓ : പ്രതീഷ് ശേഖർ.