മഹാമാഘമഹോത്സവത്തിൽ നിറഞ്ഞ് നിന്ന് നടി നിഖില വിമലിന്റെ സഹോദരി; ചിത്രം സമൂഹ മാധ്യമങ്ങളിൽ വൈറൽ

 കേരളത്തിന്റെ കുംഭമേളയിൽ നിറഞ്ഞ് നിന്ന് നടി നിഖില വിമലിന്റെ സഹോദരി അഖില വിമൽ.ഭാരതപ്പുഴയുടെ തീരത്ത് നടന്ന കേരള കുംഭമേളയിൽ ശ്രദ്ധാ കേന്ദ്രമായി അഖില (അവന്തിക ഭാരതി)മാറി. ഇതോടെ ചിത്രങ്ങൾ സമൂഹമാധ്യമങ്ങളിൽ വൈറലായിരിക്കുകയാണ്. അഖില സന്യാസം സ്വീകരിച്ച വാർത്ത ഏറെ ശ്രദ്ധ നേടിയിരുന്നു. സന്യാസം സ്വീകരിച്ച ശേഷമുള്ള പേരാണ് അവന്തിക ഭാരതി.മഹാമണ്ഡലേശ്വർ സ്വാമി ആനന്ദ വനം ഭാരതി, യോഗി അഭിനവ ബാലാനന്ദ ഭൈരവ എന്നിവർക്കൊപ്പം ദക്ഷിണേന്ത്യയുടെ കുംഭമേളയായി മാറിയ മഹാമാഘ ഉത്സവത്തിന് ചുക്കാൻ പിടിച്ചതും അവന്തികയായിരുന്നു. ജുനാ പീഠാധീശ്വർ ആചാര്യ മഹാമണ്ഡലേശ്വർ സ്വാമി അവധേശാനന്ദ ഗിരി മഹാരാജിൽ നിന്നാണ് അഖില സന്യാസ ദീക്ഷ സ്വീകരിച്ചത്.