.jpg)
സിനിമാ സീരിയല്‍ നടന്‍ കാലടി ജയന്‍ അന്തരിച്ചു
Thu, 16 Feb 2023
പ്രശസ്ത നാടക, സീരിയല്‍, ചലച്ചിത്ര നടനും നിര്‍മ്മാതാവുമായ കാലടി ജയന്‍ (72) അന്തരിച്ചു. ഹൃദയസംബന്ധമായ അസുഖങ്ങളെ തുടര്‍ന്ന് തിരുവനന്തപുരത്തെ സ്വകാര്യ ആശുപത്രിയില്‍ ആയിരുന്നു അന്ത്യം.
'അര്‍ത്ഥം', 'മഴവില്‍ക്കാവടി', 'സിബിഐ ഡയറിക്കുറിപ്പ്', 'തലയണമന്ത്രം', 'ജാഗ്രത', 'കളിക്കളം', 'ചെറിയ ലോകവും വലിയ മനുഷ്യരും', 'വ്യൂഹം', 'ഏകലവ്യന്‍', 'ജനം' തുടങ്ങി നിരവധി സിനിമകളില്‍ അഭിനയിച്ചിട്ടുണ്ട്.
സീരിയല്‍ നിര്‍മ്മാതാവുമായിരുന്നു. അമ്പതോളം നാടകങ്ങളിലും നൂറിലധികം സീരിയലുകളിലും അഭിനയിച്ചിട്ടുണ്ട്. പത്തിലധികം സീരിയലുകളുടെ എക്‌സിക്യൂട്ടീവ് പ്രൊഡ്യൂസര്‍ ആയി പ്രവര്‍ത്തിക്കുകയും ചെയ്തിട്ടുണ്ട്.
