.jpg)
മോഹന്‍ലാല്‍ - ശോഭന ചിത്രം 'തുടരും' ഏപ്രില്‍ 24ന് തീയറ്ററുകളിൽ എത്തും
Apr 8, 2025, 18:40 IST
വർഷങ്ങൾക്ക് ശേഷം മോഹൻലാൽ-ശോഭന കൂട്ടുകെട്ട് ഒന്നിക്കുന്ന ചിത്രമാണ് തുടരും. തരുണ്‍ മൂര്‍ത്തിയുടെ സംവിധാനത്തില്‍ മോഹന്‍ലാല്‍ നായകനാവുന്ന ചിത്രമാണിത്. ശോഭനയാണ് ചിത്രത്തിലെ നായികയായി എത്തുന്നത്. ഇപ്പോഴിതാ ഏറെ കാത്തിരിപ്പിന് ശേഷം ചിത്രത്തിന്‍റെ റിലീസ് പ്രഖ്യാപിച്ചിരിക്കുകയാണ്. ചിത്രം ഏപ്രില്‍ 24ന് തീയറ്ററുകളിൽ എത്തും.
എമ്പുരാന് ശേഷം മോഹന്‍ലാലിന്‍റേതായി റിലീസിനെത്തുന്ന ചിത്രമാണ് തുടരും. ചിത്രത്തിന്‍റേതായി നേരത്തെ ഇറങ്ങിയ ടീസര്‍ ഏറെ ശ്രദ്ധിക്കപ്പെട്ടിരുന്നു. കഴിഞ്ഞ വര്‍ഷം ഷൂട്ടിംഗ് പൂര്‍ത്തിയായ ചിത്രം ജനുവരിയില്‍ റിലീസ് ചെയ്യും എന്നാണ് പ്രതീക്ഷിക്കപ്പെട്ടതെങ്കിലും പിന്നീട് നീട്ടിവെയ്ക്കുകയായിരുന്നു.
