മമ്മൂട്ടി നായകനായ മട്ടാഞ്ചേരി മാഫിയ ഡിസംബർ 1ന് ചിത്രീകരണം ആരംഭിക്കാൻ ഒരുങ്ങുന്നു

 മമ്മൂട്ടിയെ നായകനാക്കി ഖാലിദ് റഹ്മാൻ സംവിധാനം ചെയ്യുന്ന ‘മട്ടാഞ്ചേരി മാഫിയ’ വീണ്ടും സിനിമാ ചർച്ചകളിൽ. നിതീഷ് സഹദേവ് സംവിധാനം ചെയ്യുന്ന ‘മേള’യുടെ ചിത്രീകരണം പൂർത്തിയാക്കിയ ശേഷമാകും മമ്മൂട്ടി പുതിയ ചിത്രത്തിൽ ജോയിൻ ചെയ്യുക എന്നാണ് റിപ്പോർട്ട്.

മമ്മൂട്ടിയും ഖാലിദ് റഹ്മാനും ഒന്നിക്കുന്ന ചിത്രം പ്രഖ്യാപനം മുതൽ തന്നെ ആരാധകശ്രദ്ധ നേടിയിരുന്നു. സംവിധായകന്റെ മുൻ ചിത്രങ്ങളിൽ നിന്ന് വ്യത്യസ്തമായൊരു സിനിമാറ്റിക് അനുഭവം പ്രതീക്ഷിക്കുന്നവരും ഏറെയാണ്.

ചിത്രത്തിന്റെ കഥയെയും കഥാപാത്രങ്ങളെയും കുറിച്ചുള്ള കൂടുതൽ വിവരങ്ങൾ പുറത്തുവന്നിട്ടില്ല. എന്നാൽ മമ്മൂട്ടിയുടെ അടുത്ത പ്രോജക്ടുകളിലൊന്നെന്ന നിലയിൽ ‘മട്ടാഞ്ചേരി മാഫിയ’യുടെ അപ്ഡേറ്റുകൾക്കായി ആരാധകർ കാത്തിരിക്കുകയാണ്.