‘ലർക്ക്’ ചിത്രത്തിൻ്റെ ടൈറ്റിൽ പോസ്റ്റർ പുറത്ത്

സൈജു കുറുപ്പ്, അജു വർഗ്ഗീസ്, ടി.ജി. രവി എന്നിവരെ പ്രധാന കഥാപാത്രങ്ങളാക്കി കേരള ടാക്കീസിന്റെ ബാനറിൽ എം.എ. നിഷാദ് കഥയെഴുതി സംവിധാനം നിർവ്വഹിക്കുന്ന പുതിയ ചിത്രമാണ് ‘ലർക്ക്’. ഇപ്പോഴിതാ ചിത്രത്തിൻ്റെ ടൈറ്റിൽ പോസ്റ്റർ എത്തിയിരിക്കുകയാണ്. തമിഴിലെ പ്രശസ്ത സംവിധായകനും നടനുമായ പാർത്ഥിപനും മലയാളത്തിലെ ഇരുപതോളം സംവിധായകരും ചേർന്നാണ് ചിത്രത്തിന്റെ ടൈറ്റിൽ പോസ്റ്റർ അവരുടെ സാമൂഹ്യ മാധ്യമങ്ങളിലൂടെ അവതരിപ്പിച്ചത്. ‘പതിയിരിക്കുക’ എന്നർത്ഥം വരുന്ന ഇംഗ്ലീഷ് വാക്കായ ‘ലർക്ക്’ എന്ന ഈ പേര് ഇതിനോടകം തന്നെ ചർച്ചയായിട്ടുണ്ട്. വളരെ കാലിക പ്രാധാന്യമുള്ള വിഷയമാണ് എം.എ. നിഷാദ് ഈ ചിത്രത്തിലൂടെ അവതരിപ്പിക്കുന്നത്.