.jpg)
ഏറ്റവും വലിയ ആഗ്രഹം തുറന്നുപറഞ്ഞ് കീർത്തി സുരേഷ്
മലയാളികൾക്ക് പ്രിയപ്പെട്ട നടിയാണ് കീർത്തി സുരേഷ്. മലയാളിൽ ഉൾപ്പെടെ നിരവധി സിനിമകളിൽ താരം തന്റെ കഴിവ് തെളിയിച്ചിട്ടുണ്ട്. ഇപ്പോഴിതാ നടൻ അജിത്തിനോടൊപ്പം അഭിനയിക്കണം എന്ന് തുറന്നുപറയുകയാണ് കീർത്തി. ഒരു സ്വകാര്യ മാധ്യമത്തിന് നൽകിയ അഭിമുഖത്തിലാണ് കീർത്തി മനസ് തുറന്നത്.
tRootC1469263">‘സഹോദരിയായിട്ടോ? അജിത്ത് സാറിന്റെ കൂടെ സഹോദരിയായിട്ട് എങ്ങനെ അഭിനയിക്കും? വേണ്ട. അദ്ദേഹത്തിന്റെ കൂടെ എങ്ങനെയാണ് സഹോദരിയായി അഭിനയിക്കുക. അജിത്ത് സാറിന്റെ കൂടെ അഭിനയിക്കാൻ ഞാൻ കാത്തിരിക്കുകയാണ്.
പക്ഷെ അനിയത്തിയായി വേണ്ട. അദ്ദേഹത്തിന്റെ കൂടെ അഭിനയിക്കണം. എന്നാൽ അത് പെയറായിട്ട് മതി. ഞാൻ സത്യത്തിൽ അജിത്ത് സാറിനെ ഒരു തവണ മാത്രമാണ് കണ്ടിട്ടുള്ളത്. റാമോജി ഫിലിം സിറ്റിയിൽ വെച്ചായിരുന്നു കണ്ടത്. അന്ന് അണ്ണാത്തൈയുടെ ഷൂട്ടിങ് നടക്കുകയായിരുന്നു.
സാർ അപ്പോൾ വേറെ ഏതോ പടത്തിന്റെ ഷൂട്ടിങ്ങിന് വന്നതായിരുന്നു. ആ സമയത്ത് എന്റെ റൂമിന്റെ ഡോർ തുറന്നു കിടക്കുകയായിരുന്നു. സാർ പെട്ടെന്ന് അതുവഴി കടന്നു പോകുന്നത് ഞാൻ കണ്ടു. അദ്ദേഹത്തെ കണ്ടതും ഞാൻ പിന്നാലെ ഓടി.
ആ സമയത്ത് അജിത്ത് സാർ അസിസ്റ്റന്റിനോട് ‘ആരാണ് ആ മുറിയിൽ? പരിചയമുള്ള ആരോ ആണെന്ന് തോന്നുന്നു’ എന്നോ മറ്റോ പറയുകയായിരുന്നു. കൃത്യം ആ സമയത്ത് തന്നെയാണ് ഞാൻ സാറിന്റെ അടുത്തേക്ക് വന്നത്. ഞങ്ങൾ പരസ്പരം ഹായ് പറയുകയും സംസാരിക്കുകയും ചെയ്തു.
അന്നായിരുന്നു ഞാൻ ആദ്യമായി അദ്ദേഹത്തെ അത്രയും അടുത്ത് കാണുന്നത്. ശാലിനി മാം അമ്മയുടെ കൂടെ ഒരുപാട് അഭിനയിച്ചിട്ടുണ്ട്. അതുപോലെ എന്റെ അച്ഛനെ അവർക്ക് അറിയാം. ശാലിനി മാമുമായി അങ്ങനെയൊരു കണക്ഷൻ ഞങ്ങൾക്ക് ഉണ്ടായിരുന്നു. അന്ന് അജിത്ത് സാറുമായി കുറച്ച് സംസാരിക്കാൻ സാധിച്ചു,’ കീർത്തി സുരേഷ് പറയുന്നു.
