.jpg)
ബോക്സ് ഓഫീസിൽ ചരിത്രം കുറിക്കാൻ ‘കളങ്കാവൽ’
മലയാള സിനിമയുടെ വിസ്മയം മമ്മൂട്ടി വീണ്ടും ബോക്സ് ഓഫീസിൽ ചരിത്രം കുറിക്കുന്നു. അഞ്ച് പതിറ്റാണ്ടിലേറെയായി അഭിനയരംഗത്ത് തുടരുന്ന അദ്ദേഹം, സമീപകാലത്ത് പരീക്ഷണാത്മകമായ കഥാപാത്രങ്ങളിലൂടെ പ്രേക്ഷകരെ ഞെട്ടിച്ചുകൊണ്ടിരിക്കുകയാണ്. അത്തരത്തിൽ വിനായകൻ നായകനായ ‘കളങ്കാവൽ’ എന്ന ചിത്രത്തിൽ വില്ലൻ വേഷത്തിലെത്തിയ മമ്മൂട്ടിയുടെ പ്രകടനം സിനിമാലോകത്ത് വലിയ തരംഗമാണ് സൃഷ്ടിച്ചിരിക്കുന്നത്. ‘സ്റ്റാൻലി’ എന്ന കഥാപാത്രമായി അദ്ദേഹം നടത്തിയ പ്രകടനം ആരാധകർ ഏറ്റെടുത്തതോടെ ചിത്രം വിജയകരമായി മുന്നേറുകയാണ്.
tRootC1469263">ഡിസംബർ 5-ന് തിയേറ്ററുകളിലെത്തിയ ചിത്രം ആദ്യ ദിനം മുതൽ മികച്ച അഭിപ്രായമാണ് നേടിയത്. ജിതിൻ കെ. ജോസ് സംവിധാനം ചെയ്ത ഈ ചിത്രം ബോക്സ് ഓഫീസിൽ വലിയ കുതിപ്പാണ് നടത്തുന്നത്. ട്രാക്കിംഗ് സൈറ്റായ സാക്നിൽക്കിന്റെ റിപ്പോർട്ട് പ്രകാരം, റിലീസ് ചെയ്ത് വെറും നാല് ദിവസത്തിനുള്ളിൽ 50 കോടി ക്ലബ്ബിൽ ഇടംപിടിച്ച ചിത്രം, 11 ദിവസങ്ങൾ പിന്നിടുമ്പോൾ ഏകദേശം 75.60 കോടി രൂപയാണ് ആഗോളതലത്തിൽ സ്വന്തമാക്കിയിരിക്കുന്നത്. ഇതിൽ വിദേശ വിപണിയിൽ നിന്ന് മാത്രം 36.75 കോടി രൂപയും കേരളത്തിൽ നിന്ന് 32.5 കോടി രൂപയും ചിത്രം വാരിക്കൂട്ടി.
കേരളത്തിന് പുറമെ തമിഴ്നാട്, കർണാടക, ആന്ധ്ര-തെലുങ്കാന തുടങ്ങിയ സംസ്ഥാനങ്ങളിലും ചിത്രത്തിന് മികച്ച പ്രതികരണമാണ് ലഭിക്കുന്നത്. തമിഴ്നാട്ടിൽ നിന്ന് 2 കോടിയിലധികം രൂപ നേടിയ ചിത്രം മമ്മൂട്ടിയുടെ താരമൂല്യം ഇതര സംസ്ഥാനങ്ങളിലും എത്രത്തോളമുണ്ടെന്ന് ഒരിക്കൽ കൂടി തെളിയിക്കുകയാണ്.