കലാഭവൻ മണി മെമ്മോറിയൽ അവാർഡ് നടി ബിന്ദു പണിക്കർക്ക്

നടി ബിന്ദു പണിക്കർക്ക് കലാഭവൻ മണി മെമ്മോറിയൽ അവാർഡ്. ടർബോ എന്ന ചിത്രത്തിലെ മികച്ച അഭിനയത്തെ മുൻനിർത്തിയാണ് ബിന്ദു പണിക്കർക്ക് കലാഭവൻ മണി മെമ്മോറിയൽ അവാർഡ് ലഭിച്ചത്.

കമ്മിറ്റിയുടെ മികച്ച സഹനടികുള്ള കലാഭവൻ മണി മെമ്മോറിയൽ അവാർഡ് 2024 നാടകചാര്യനായ എ. കെ പുതുശ്ശേരിയുടെ പത്നി ഫിലോമിന പുതുശ്ശേരിയും മുഖ്യമന്ത്രി പിണറായി വിജയനിൽ നിന്നും ഭിന്നശേഷി വിഭാഗത്തിലെ സുന്ദരി പട്ടം കരസ്ഥമാക്കിയ അഫ്രിൻ ഫാത്തിമയും ചേർന്ന് സമർപ്പിച്ചു. ബിന്ദു പണിക്കരുടെ കൊച്ചിയിലെ വസതിയിൽ വച്ച് നടന്ന പരിപാടിയിൽ നവീൻ പുതുശ്ശേരി, വനിതാ സംരംഭക രഹന നസറുദ്ദീൻ , ശ്രുതി സോമൻ എന്നിവർ പങ്കെടുത്തു.