‘ഐ ആം ഗെയ്മി’ന്റെ പുത്തൻ പോസ്റ്റർ പുറത്ത്

Whatsapp Group

‘ആർഡിഎക്സ്’ എന്ന ബ്ലോക്ക്ബസ്റ്റർ ഹിറ്റിന് ശേഷം നഹാസ് ഹിദായത്ത് സംവിധാനം ചെയ്യുന്ന ചിത്രമെന്ന നിലയിൽ വലിയ പ്രതീക്ഷയാണ് ‘ഐ ആം ഗെയ്മി’ന് ഉള്ളത്. ചിത്രത്തിലെ വമ്പൻ സംഘട്ടന രംഗങ്ങൾ ഒരുക്കുന്നത് പ്രശസ്ത ആക്ഷൻ കൊറിയോഗ്രാഫർമാരായ അൻപറിവ് മാസ്റ്റേഴ്‌സ് ആണ്. ഇതൊരു വയലന്റ് ആക്ഷൻ ത്രില്ലർ ആയിരിക്കുമെന്ന സൂചനയാണ് പുതിയ പോസ്റ്ററും നൽകുന്നത്. തന്റെ മുൻ ചിത്രങ്ങളിലെ റെട്രോ സ്റ്റൈലിൽ നിന്നും മാറി തികച്ചും മോഡേൺ ആയ ലുക്കിലായിരിക്കും ദുൽഖർ ഇതിൽ പ്രത്യക്ഷപ്പെടുക.

സജീർ ബാബ, ബിലാൽ മൊയ്‌തു, ഇസ്മായേൽ അബുബക്കർ എന്നിവർ ചേർന്നാണ് ചിത്രത്തിന് തിരക്കഥ ഒരുക്കുന്നത്. ജിംഷി ഖാലിദ് ക്യാമറ ചലിപ്പിക്കുന്ന ചിത്രത്തിന്റെ എഡിറ്റിംഗ് നിർവഹിക്കുന്നത് ചമൻ ചാക്കോയാണ്. ജേക്സ് ബിജോയ് ആണ് സംഗീതസംവിധായകൻ. അടുത്തിടെ പുറത്തിറങ്ങിയ ‘കാന്ത’യ്ക്ക് ലഭിച്ച വലിയ വിജയത്തിന് പിന്നാലെ എത്തുന്ന ‘ഐ ആം ഗെയ്മും’ ബോക്സ് ഓഫീസിൽ തരംഗമാകുമെന്നാണ് ആരാധകരുടെ വിലയിരുത്തൽ. ചിത്രം ഈ വർഷം ഓണം റിലീസായി തിയേറ്ററുകളിലെത്തും.