ബിടിഎസ് ബിഗ് കം ബാക്ക്, കോൺസേർട്ടിന്റെ ആവേശകരമായ ട്രെയിലർ പുറത്ത്

Whatsapp Group

'അരിരംഗ്' ആൽബവും ലൈവ് സ്ട്രീമും

ഗ്രൂപ്പിന്റെ ലീഡറായ ആർ.എം, ജിൻ, സുഗ, ജെ-ഹോപ്പ്, ജിമിൻ, വി, ജുങ്കൂക്ക് എന്നീ ഏഴ് അംഗങ്ങളും വർഷങ്ങൾക്ക് ശേഷം ഒന്നിക്കുന്ന ആദ്യ ആൽബമാണ് 'അരിരംഗ്'. മാർച്ച് 20-ന് ആൽബം പുറത്തിറങ്ങും. ഇതിന് തൊട്ടുപിന്നാലെ മാർച്ച് 21-ന് നെറ്റ്ഫ്ലിക്സിലൂടെ ലൈവ് സ്ട്രീം കോൺസേർട്ട് നടക്കും. സിയോളിലെ ചരിത്രപ്രസിദ്ധമായ ഗ്വാങ്‌വാമുൻ എന്ന സ്ഥലത്തുനിന്നാണ് ഈ പരിപാടി ലോകമെമ്പാടുമുള്ള ആരാധകരിലേക്ക് എത്തുന്നത്.

നെറ്റ്ഫ്ലിക്സ് പുറത്തുവിട്ട ട്രെയിലറിൽ ബിടിഎസ് ലീഡർ ആർ.എം പറയുന്ന 'Seven together, we can do anything' എന്ന വാക്കുകൾ ആരാധകരുടെ ഹൃദയം കീഴടക്കി കഴിഞ്ഞു. 'ഞങ്ങൾ ആരാധകർക്ക് നൽകിയ വാക്ക് പാലിച്ചിരിക്കുന്നു, ഞങ്ങൾ തിരിച്ചുവന്നിരിക്കുന്നു' എന്ന് ആർ.എം വോയിസ് ഓവറിൽ പറയുന്നത് കേൾക്കാം.

ഗ്രൂപ്പിലെ ഏറ്റവും പ്രായം കുറഞ്ഞ അംഗമായ ജുങ്കൂക്ക്, 'ഞാൻ അവരെ (ആർമിയെ) ഒരുപാട് മിസ്സ് ചെയ്യുന്നു' എന്ന് പറയുന്നതും ട്രെയിലറിലുണ്ട്. ആരാധകരുടെ പ്രിയപ്പെട്ട ഗാനമായ 'മൈക്രോകോസ്മോസ്' (Mikrokosmos) എന്ന പാട്ടിന്റെ സിനിമാറ്റിക് അറേഞ്ച്‌മെന്റാണ് ട്രെയിലറിൽ പശ്ചാത്തല സംഗീതമായി ഉപയോഗിച്ചിരിക്കുന്നത്.