.jpg)
‘ദൃശ്യം 3’ ഏപ്രിൽ 2-ന് എത്തും
സിനിമാസ്വാദകർ കാത്തിരിക്കുന്ന മോഹൻലാൽ-ജീത്തു ജോസഫ് കൂട്ടുകെട്ടിന്റെ ‘ദൃശ്യം 3’ ഏപ്രിൽ 2-ന് ആഗോളതലത്തിൽ റിലീസ് ചെയ്യും. “ഭൂതകാലം ഒരിക്കലും നിശബ്ദത പാലിക്കുന്നില്ല” എന്ന ശ്രദ്ധേയമായ ടാഗ്ലൈനോടെ എത്തുന്ന ചിത്രം, വരുണിന്റെ തിരോധാനവുമായി ബന്ധപ്പെട്ട സസ്പെൻസുകൾക്ക് അന്ത്യം കുറിക്കുമെന്നാണ് കരുതപ്പെടുന്നത്. നാലാം ക്ലാസുകാരന്റെ ബുദ്ധിയിൽ വിരിയുന്ന പുതിയ തന്ത്രങ്ങൾ കാണാൻ ആരാധകർ കാത്തിരിക്കെ, ചിത്രത്തിന്റെ ടീസർ വരും ദിവസങ്ങളിൽ പുറത്തുവിടുമെന്ന റിപ്പോർട്ടുകൾ ആവേശം വർദ്ധിപ്പിച്ചിട്ടുണ്ട്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രം 2025 സെപ്റ്റംബർ 22-നാണ് ചിത്രീകരണം ആരംഭിച്ചത്.
tRootC1469263">മോഹൻലാലിനൊപ്പം മീന, അൻസിബ ഹസൻ, എസ്തർ അനിൽ, ആശാ ശരത്, സിദ്ധിഖ് തുടങ്ങിയ വൻ താരനിര തന്നെ അണിനിരക്കുന്നുണ്ട്. ആദ്യ രണ്ട് ഭാഗങ്ങളും നൽകിയ വൻ വിജയത്തിന്റെ തുടർച്ചയായി മൂന്നാം ഭാഗവും പ്രേക്ഷകർ ഏറ്റെടുക്കുമെന്ന പ്രതീക്ഷയിലാണ് അണിയറപ്രവർത്തകർ. മലയാളം പതിപ്പിന് പിന്നാലെ ചിത്രത്തിന്റെ ഹിന്ദി റീമേക്ക് 2026 ഒക്ടോബർ 2-ന് പുറത്തിറങ്ങുമെന്നും വിവരമുണ്ട്. ജോർജ്കുട്ടിയും കുടുംബവും ഇത്തവണ നിയമത്തിന് മുന്നിൽ കുടുങ്ങുമോ അതോ വീണ്ടും രക്ഷപെടുമോ എന്ന ചോദ്യത്തിനുള്ള ഉത്തരം തേടിയാണ് സിനിമാലോകം ഇപ്പോൾ ഏപ്രിൽ രണ്ടിലേക്ക് ഉറ്റുനോക്കുന്നത്.
