ഷെയ്ൻ നിഗം ചിത്രം ‘ബൾട്ടി’ ഒടുവിൽ ഒടിടിയിലേക്ക്

 തിയേറ്ററുകളിൽ മികച്ച അഭിപ്രായം നേടിയിട്ടും വലിയ ചലനമുണ്ടാക്കാൻ സാധിക്കാതെ പോയ ഷെയ്ൻ നിഗം ചിത്രം ‘ബൾട്ടി’ ഒടുവിൽ ഒടിടി റിലീസിന് ഒരുങ്ങുന്നു. മാസങ്ങളുടെ നീണ്ട കാത്തിരിപ്പിനൊടുവിലാണ് ചിത്രത്തിന്റെ സ്ട്രീമിങ് തീയതി പുറത്തുവിട്ടിരിക്കുന്നത്. പ്രമുഖ ഒടിടി പ്ലാറ്റ്‌ഫോമായ സോണി ലൈവിലൂടെ ജൂലൈ 10 മുതൽ ചിത്രം പ്രേക്ഷകരിലേക്ക് എത്തും. നവാഗതനായ ഉണ്ണി ശിവലിംഗം സംവിധാനം ചെയ്ത ഈ സ്പോർട്സ് ആക്ഷൻ ഡ്രാമ, അതിന്റെ മേക്കിങ് ക്വാളിറ്റി കൊണ്ടും മികച്ച സംഘട്ടന രംഗങ്ങൾ കൊണ്ടും തിയേറ്റർ റിലീസ് സമയത്ത് ഏറെ ശ്രദ്ധിക്കപ്പെട്ടിരുന്നു.

കേരള-തമിഴ്‌നാട് അതിർഷെയ്ൻ നിഗം ചിത്രം ‘ബൾട്ടി’ ഒടുവിൽ ഒടിടിയിലേക്ക് ത്തിയോട് ചേർന്നു കിടക്കുന്ന ഒരു ഗ്രാമത്തിലെ നാല് യുവാക്കളുടെ കഥയാണ് ‘ബൾട്ടി’ പറയുന്നത്. തമിഴും മലയാളവും ഇടകലർന്ന സംസ്കാരമുള്ള ഈ പ്രദേശത്തെ ചെറുപ്പക്കാരുടെ ജീവിതവും, കബഡിയും, സൗഹൃദവും, പ്രണയവുമെല്ലാം സിനിമയുടെ പശ്ചാത്തലമാകുന്നുണ്ട്. ‘കാട്ച്ചി സേര’, ‘ആസ കൂടാ’ തുടങ്ങിയ തരംഗമായ ഗാനങ്ങളിലൂടെ പ്രേക്ഷകരുടെ മനസ്സ് കീഴടക്കിയ യുവസംഗീതജ്ഞൻ സായ് അഭ്യങ്കർ ആണ് ചിത്രത്തിന് സംഗീതം പകർന്നിരിക്കുന്നത്. റിലീസ് സമയത്ത് സിനിമയിലെ ഗാനങ്ങൾക്കും പശ്ചാത്തല സംഗീതത്തിനും മികച്ച പ്രതികരണമാണ് ലഭിച്ചത്.

വലിയൊരു താരനിര തന്നെ അണിനിരക്കുന്ന ചിത്രത്തിൽ ഷെയ്ൻ നിഗത്തിനൊപ്പം തമിഴ് നടൻ ശാന്തനു ഭാഗ്യരാജ്, പ്രീതി അസ്രാണി, അൽഫോൺസ് പുത്രൻ, സെൽവരാഗവൻ, പൂർണിമ ഇന്ദ്രജിത്ത് എന്നിവർ പ്രധാന വേഷങ്ങളിൽ എത്തുന്നു. ‘ന്നാ താൻ കേസ് കൊട്’ എന്ന സൂപ്പർ ഹിറ്റ് ചിത്രത്തിന് ശേഷം എസ് ടി കെ ഫ്രെയിംസ്, ബിനു ജോർജ്ജ് അലക്സാണ്ടർ പ്രൊഡക്ഷൻസ് എന്നീ ബാനറുകളിൽ സന്തോഷ്‌ ടി കുരുവിളയും ബിനു ജോർജ്ജ് അലക്സാണ്ടറും ചേർന്നാണ് ഈ ചിത്രം നിർമ്മിച്ചിരിക്കുന്നത്. മലയാളത്തിലെയും തമിഴിലെയും മുൻനിര സാങ്കേതിക പ്രവർത്തകർ ഒന്നിച്ച ഈ ചിത്രം ഒടിടിയിൽ മികച്ച വിജയം നേടുമെന്ന പ്രതീക്ഷയിലാണ് ആരാധകർ.