അല്ലുവിൻറെ ജന്മദിനത്തിൽ പുതിയ‌ ചിത്രം പ്രഖ്യാപിച്ചു

പുഷ്പയ്ക്ക് ശേഷം വരുന്ന അല്ലു അർജുൻറെ ചിത്രം പ്രഖ്യാപിച്ചു. അല്ലുവിൻറെ ജന്മദിനത്തിലാണ് അറ്റ്ലി സംവിധാനം ചെയ്യുന്ന ചിത്രത്തിൻറെ പ്രഖ്യാപനം നടന്നത്. സൺ പിക്ചേർസാണ് ചിത്രത്തിൻറെ നിർമ്മാണം നിർവ്വഹിക്കുന്നത്. A22XA6 എന്നാണ് ചിത്രത്തിന് താൽക്കാലികമായി നൽകിയിരിക്കുന്ന പേര്. കൂടാതെ ചിത്രത്തിൻറെ ഗിയർ അപ് വീഡിയോയാണ് ഇപ്പോൾ പുറത്തുവിട്ടിരിക്കുന്നത്.

അതേസമയം ചിത്രത്തിൻറെ ജോലികൾ ഹോളിവുഡ് വിഎഫ്എക്സ് ടീമിൻറെ സഹകരണത്തോടെയാണ് ചെയ്യുന്നത്. ചിത്രത്തിൻറെ വീഡിയോ അപ്ഡേറ്റാണ് ഇപ്പോൾ പുറത്തുവിട്ടിരിക്കുന്നത്. കൂടാതെ ചിത്രത്തിലെ നായിക ആരാണെന്ന ചർച്ചയും സജീവമാണ്. ഏറ്റവും പുതിയ അഭ്യൂഹങ്ങൾ അനുസരിച്ച് ഈ ചിത്രത്തിൽ സാമന്ത നായികയാകും എന്നാണ് വിവരം. ചിത്രത്തിലെ മാറ്റ് കാസ്റ്റിംഗ് സംബന്ധിച്ച് വിവരങ്ങൾ ഒന്നും ലഭ്യമല്ല.