നടൻ രാഹുൽ മാധവ് വിവാഹിതനായി

നടൻ രാഹുൽ മാധവ് വിവാഹിതനായി. ദീപശ്രീയാണ് വധു. വധൂവരന്മാർക്ക് ആശംസകൾ നേരാനായി സൈജു കുറുപ്പ്, നരെയ്ൻ, ഷാജി കൈലാസ്, നിർമാതാവും പ്രൊഡക്ഷൻ കൺട്രോളറുമായ ബാദുഷ എന്നിവരും എത്തിയിരുന്നു.

മലയാളം, തമിഴ്, കന്നട സിനിമകളിലെല്ലാം സജീവമായ രാഹുൽ തമിഴ് ചിത്രമായ അധേ നേരം അധേയിടം എന്ന ചിത്രത്തിലൂടെയാണ് സിനിമയിലെത്തിയത്. യുഗം എന്ന തമിഴ് ചിത്രത്തിലെ കഥാപാത്രം ശ്രദ്ധ നേടിയതോടെയാണ് മലയാളത്തിലേക്ക് രാഹുലിന് ക്ഷണം ലഭിച്ചത്. ബാങ്കോക് സമ്മർ എന്ന ചിത്രത്തിലൂടെയാണ് മലയാളത്തിൽ രാഹുൽ അരങ്ങേറ്റം കുറിച്ചത്.