ആട് 3 ആരെയും നിരാശരാക്കില്ലെന്നാണ് പ്രതീക്ഷ, സപ്പോർട്ട് വേണം : ജയസൂര്യ

  തിയറ്ററിൽ പരാജയപ്പെട്ട് പിന്നീട് മലയാളികൾ ഒന്നടങ്കം ഏറ്റെടുത്തൊരു സിനിമയാണ് ആട്. ശേഷം പുറത്തുവന്ന രണ്ടാം ഭാഗം തിയറ്ററിൽ വിജയമായി മാറി. ഇതിൻറെ മൂന്നാം ഭാഗമായ ആട് 3 ആണ് പ്രേക്ഷകർക്ക് മുന്നിൽ എത്താനിരിക്കുന്നത്. ചിത്രം മാർച്ച് 19ന് തിയറ്ററുകളിൽ എത്തും.

ആട് 3 ആരെയും നിരാശരാക്കില്ലെന്നാണ് പ്രതീക്ഷയെന്നും എല്ലാവരുടേയും പിന്തുണ ആവശ്യമാണെന്നും പറയുകയാണ് ജയസൂര്യ ഇപ്പോൾ. "വലിയൊരു തുക മുടക്കിയാണ് മൂന്നാം ഭാ​ഗം വരുന്നത്. മൂന്നാം ഭാ​ഗം ആലോചിക്കുമ്പോഴും നല്ല സ്ട്രോങ് ആയിട്ടുള്ള കഥയില്ലെങ്കിൽ ചെയ്യാൻ പറ്റില്ല. അതാരും അം​ഗീകരിക്കില്ല. അതുകൊണ്ട് വളരെ രസകരമായിട്ടുള്ളൊരു കഥയോട് കൂടിയാണ് ഞങ്ങൾ ആട് 3യിൽ എത്തിയിട്ടുള്ളത്. അതിൽ ഒരുപിടി മികച്ച കലാകാരന്മാർക്കൊപ്പം എനിക്ക് വർക്ക് ചെയ്യാൻ പറ്റി. അതൊരു വലിയ ഭാ​ഗ്യമായി കരുതുകയാണ്. മാർച്ച് 19ന് ആരേയും നിരാശപ്പെടുത്താത്ത സിനിമയാകും വരുന്നത്. എന്നാണ് ഞങ്ങളുടെ പ്രതീക്ഷ. എല്ലാവരുടേയും പിന്തുണ തീർച്ചയായിട്ടും വേണം", കോളേജ് പ്രമോഷൻറെ ഭാഗമായി സംസാരിക്കുകയായിരുന്നു താരം.