.jpg)
സെപ്റ്റംബര് 13ന് ഗുരുവായൂരില് 400 ലേറെ വിവാഹങ്ങള്; പുലര്ച്ചെ 4 മണി മുതല് കല്യാണങ്ങള്, താലികെട്ടിനായി 6 മണ്ഡപങ്ങള്, ദര്ശനത്തിന് ക്രമീകരണം
ചിങ്ങമാസത്തിലെ അവസാന ഞായറാഴ്ചയായ സെപ്റ്റംബര് 13 ന് ഗുരുവായൂരില് ശീട്ടാക്കിയത് 409 വിവാഹങ്ങള്. വിവാഹത്തിന് തലേന്നാള് വരെ ശീട്ടാക്കാമെന്നതിനാല് ഇനിയും വിവാഹങ്ങള് കൂടാനാണ് സാധ്യത. ഈ സാഹചര്യത്തില് ക്ഷേത്ര ദര്ശനവും വിവാഹ ചടങ്ങുകളും സുഗമമായി നടത്താന് ഭക്തരുടെ സഹായവും സഹകരണവും പ്രതീക്ഷിക്കുകയാണെന്ന് ദേവസ്വം ചെയര്മാന് ശ്രീ എ. വി ഗോപിനാഥ്, അഡ്മിനിസ്ട്രേറ്റര് എസ്.ഹരിഗോപാല് എന്നിവര് അഭ്യര്ത്ഥിച്ചു.
ഭക്തര്ക്ക് തടസ്സമില്ലാതെ ക്ഷേത്ര ദര്ശനത്തിനും വിവാഹ ചടങ്ങുകള് ഭംഗിയായി നടത്തുന്നതിനും പോലീസ് സഹകരണത്തോടെ ദേവസ്വം ക്രമീകരണങ്ങള് ഒരുക്കും. അഭൂതപൂര്വ്വമായ ഭക്തജനതിരക്ക് കണക്കി ലെടുത്ത് ഭക്തജനങ്ങളുടെ സുരക്ഷയ്ക്കായി ക്ഷേത്രത്തിനകത്തും പുറത്തും ക്ഷേത്രനഗരിയിലും അധികം പോലീസിനെ വിന്യസിക്കും.
സമയബന്ധിതമായി പൂര്ത്തിയാക്കാന് പുലര്ച്ചെ 4 മണി മുതല് കല്യാണങ്ങള് നടത്തും. താലികെട്ടിനായി 6 മണ്ഡപങ്ങള് സജ്ജമാക്കും. താലികെട്ട് ചടങ്ങ് നിര്വ്വഹിക്കാന് ക്ഷേത്രം കോയ്മാരെ വിവാഹ മണ്ഡപത്തിലേക്ക് അധികമായി നിയോഗിക്കും. സമീപം മംഗള വാദ്യസംഘ ത്തെയും നിയോഗിക്കും. ക്ഷേത്രം കിഴക്കേ നട പൂര്ണ്ണമായും വണ്വേ ആക്കും. ഒരു ദിശയിലേക്ക് മാത്രം ഭക്തരെ കടത്തിവിട്ട് തിരക്ക് നിയന്ത്രിക്കും.