ഇടുക്കിയിൽ രണ്ട് കിലോ കഞ്ചാവുമായി യുവാവ് പിടിയിൽ

ഇടുക്കി: രാജാക്കാട് രണ്ട് കിലോ കഞ്ചാവുമായി യുവാവ് എക്സൈസിന്റെ പിടിയിൽ. രാജാക്കാട് സ്വദേശി അഭിനന്ദാ(19)ണ് പിടിയിലായത്. കഞ്ചാവ് കടത്തിക്കൊണ്ടുവന്ന സ്‌കൂട്ടറും കസ്റ്റഡിയിലെടുത്തു.

അടിമാലി ഇരുമ്പുപാലത്തിന് സമീപം എക്സൈസ് നടത്തിയ പരിശോധനയിലാണ് ഇയാൾ പിടിയിലായത്. പെരുമ്പാവൂരിലുള്ള ഇതരസംസ്ഥാനത്തൊഴിലാളികളിൽനിന്ന് കഞ്ചാവ് വാങ്ങിയ ശേഷം രാജാക്കാട് മേഖലയിൽ ചില്ലറ വിൽപ്പനയ്ക്കായി എത്തിക്കുകയായിരുന്നു.
കഞ്ചാവ് കടത്തുന്നതായി രഹസ്യവിവരം ലഭിച്ചതിനെത്തുടർന്ന് കുറച്ച് നാളുകളായി ഇയാൾ എക്സൈസിന്റെ നിരീക്ഷണത്തിലായിരുന്നു.