.jpg)
ട്രെയിനിൽ യുവതിക്ക് നേരെ ലൈംഗികാതിക്രമം ; പ്രതി പിടിയിൽ
കോഴിക്കോട്: ഷൊർണൂർ-കോഴിക്കോട് പാസഞ്ചർ ട്രെയിനിൽ യാത്ര ചെയ്യുകയായിരുന്ന യുവതിക്ക് നേരെ ലൈംഗികാതിക്രമം നടത്തിയ കേസിൽ പ്രതിയെ പോലീസ് അറസ്റ്റ് ചെയ്തു. മലപ്പുറം പരപ്പനങ്ങാടി അങ്കമാന്റെ പുരയ്ക്കൽ മുസ്തഫ (45) ആണ് കോഴിക്കോട് റെയിൽവേ പോലീസിന്റെ പിടിയിലായത്. കഴിഞ്ഞ ആറാം തീയതി രാത്രിയിലായിരുന്നു കേസിനാസ്പദമായ സംഭവം നടന്നത്.
tRootC1469263">രാത്രി 9.30-ഓടെ ട്രെയിൻ കുറ്റിപ്പുറം സ്റ്റേഷനിൽ എത്തിയപ്പോഴാണ് അതിക്രമം നടന്നത്. കമ്പാർട്ട്മെന്റിൽ യാത്രക്കാർ കുറവായ സമയം നോക്കി മുസ്തഫ യുവതിയെ പിന്തുടരുകയും മോശമായി പെരുമാറുകയും ചെയ്തെന്നാണ് പരാതി. അതിക്രമത്തിന് ഇരയായ യുവതി ഉടൻ തന്നെ റെയിൽവേ പോലീസിൽ പരാതി നൽകുകയായിരുന്നു.
യുവതിയുടെ പരാതിയിൽ കേസെടുത്ത് അന്വേഷണം ആരംഭിച്ച കോഴിക്കോട് റെയിൽവേ പോലീസ്, പ്രതിയെ പരപ്പനങ്ങാടിയിൽ വെച്ചാണ് കസ്റ്റഡിയിലെടുത്തത്. അറസ്റ്റ് രേഖപ്പെടുത്തിയ ശേഷം കോടതിയിൽ ഹാജരാക്കിയ മുസ്തഫയെ റിമാൻഡ് ചെയ്തു. സ്ത്രീകളുടെ സുരക്ഷ ഉറപ്പാക്കാൻ ട്രെയിനുകളിൽ കൂടുതൽ നിരീക്ഷണം ഏർപ്പെടുത്തുമെന്ന് റെയിൽവേ പോലീസ് അറിയിച്ചു.