ര​ണ്ടാം ​ഭാ​ര്യ​യെ​യും മകളെയും കൊലപ്പെടുത്തി ഗൃഹനാഥന്റെ ആത്മഹത്യ: സാക്ഷി വിസ്താരം ആ​രം​ഭി​ച്ചു

കൊ​ല്ലം : ര​ണ്ടാം ​ഭാ​ര്യ​യെ​യും മകളെയും കൊലപ്പെടുത്തി ഗൃഹനാഥന്റെ ആത്മഹത്യയിൽ  സാക്ഷി വിസ്താരം ആ​രം​ഭി​ച്ചു .കൊ​ല്ലം ര​ണ്ടാം അ​ഡീ​ഷ​ന​ൽ സെ​ഷ​ൻ​സ്​ ജ​ഡ്​​ജി വി. ​ഉ​ദ​യ​കു​മാ​റി​ന്​ മു​ന്നി​ലാണ് സാക്ഷി വിസ്താരം . കു​ണ്ട​റ ഇ​ള​മ്പ​ള്ളൂ​ർ പു​നു​ക്ക​ന്നൂ​ർ വാ​യ​ന​ശാ​ല ജ​ങ്​​ഷ​ന്​ സ​മീ​പം പൊ​യ്ക​യി​ൽ വീ​ട്ടി​ൽ മ​ധു​സൂ​ദ​ന​ൻ​പി​ള്ള​യാ​ണ് ഭാ​ര്യ ജ​യ​ല​ക്ഷ്മി​യെ​യും മ​ക​ൾ കാ​ർ​ത്തി​ക​യെ​യും വെ​ട്ടി​ക്കൊ​ല​പ്പെ​ടു​ത്തി​യ​ശേ​ഷം കി​ട​പ്പു​മു​റി​യി​ലെ ഫാ​നി​ൽ തൂ​ങ്ങി​മ​രി​ച്ച​ത്.

2016 ജ​നു​വ​രി 26നാ​ണ് നാ​ടി​നെ ന​ടു​ക്കി​യ സം​ഭ​വം ന​ട​ന്ന​ത്. ബി.​എ​സ്.​എ​ൻ.​എ​ൽ ജീ​വ​ന​ക്കാ​ര​നാ​യി​രു​ന്ന മ​ധു​സൂ​ദ​ന​ൻ പി​ള്ള​യു​ടെ ആ​ദ്യ ഭാ​ര്യ മ​രി​ച്ച​തി​ന്​ ശേ​ഷ​മാ​ണ് ച​വ​റ സ്വ​ദേ​ശി​നി​യാ​യ ജ​യ​ല​ക്ഷ്മി​യെ വി​വാ​ഹം ക​ഴി​ച്ച​ത്. ജ​യ​ല​ക്ഷ്മി​യു​ടെ​യും ര​ണ്ടാം​വി​വാ​ഹ​മാ​യി​രു​ന്നു. ജ​യ​ല​ക്ഷ്മി​യു​ടെ ആ​ദ്യ വി​വാ​ഹ​ത്തി​ലെ മ​ക​ളാ​ണ് കൊ​ല്ല​പ്പെ​ട്ട കാ​ർ​ത്തി​ക.

വി​വാ​ഹ​ശേ​ഷം ബ്യൂ​ട്ടീ​ഷ്യ​ൻ സ്ഥാ​പ​നം ന​ട​ത്തി​വ​ന്നി​രു​ന്ന ജ​യ​ല​ക്ഷ്മി പി​ന്നീ​ട് ആ​ശു​പ​ത്രി​മു​ക്കി​ലു​ള്ള ച​ക്ര​വ​ർ​ത്തി ലോ​ഡ്ജി​ൽ റി​സ​പ്ഷ​നി​സ്റ്റാ​യി ജോ​ലി​ക്ക്​ പോ​യി​രു​ന്നു. ച​ക്ര​വ​ർ​ത്തി ലോ​ഡ്ജി​ന്റെ ന​ട​ത്തി​പ്പു​കാ​രാ​യ അ​ഡ്വ. പ്രി​ൻ​സ് പ​ണി​ക്ക​ർ, പി​താ​വ് ലൂ​ക്കോ​സ് പ​ണി​ക്ക​ർ എ​ന്നി​വ​ർ മ​ധു​സൂ​ദ​ന​ൻ​പി​ള്ള​യെ ഭീ​ഷ​ണി​പ്പെ​ടു​ത്തി​യി​രു​ന്നു.

മ​ധു​സൂ​ദ​ന​ൻ പി​ള്ള​യു​ടെ പേ​രി​ലു​ള്ള വീ​ടും വ​സ്തു​വും ജ​യ​ല​ക്ഷ്മി​യു​ടെ പേ​രി​ൽ എ​ഴു​തി​വെ​ക്ക​ണ​മെ​ന്നും അ​ല്ലെ​ങ്കി​ൽ കൊ​ന്നു​ക​ള​യു​മെ​ന്നു​മാ​യി​രു​ന്നു ഭീ​ഷ​ണി. ഭീ​ഷ​ണി​യെ​ത്തു​ട​ർ​ന്ന് മ​ധു​സൂ​ദ​ന​ന​ൻ പി​ള്ള വ​സ്തു ജ​യ​ല​ക്ഷ്മി​യു​ടെ കൂ​ടി പേ​രി​ൽ എ​ഴു​തി ന​ൽ​കി. തു​ട​ർ​ന്നും ജ​യ​ല​ക്ഷ്മി പ്രി​ൻ​സ് പ​ണി​ക്ക​രു​മാ​യു​ള്ള ബ​ന്ധം തു​ട​രു​ക​യും ഇ​യാ​ൾ ത​ന്‍റെ ജീ​വി​തം ന​ശി​പ്പി​ച്ചു​വെ​ന്നും മ​റ്റും മ​ധു​സൂ​ദ​ന​ൻ പി​ള്ള ഭി​ത്തി​യി​ൽ എ​ഴു​തി​യി​രു​ന്നു.