.jpg)
പ്രായപൂർത്തിയാവാത്ത കുട്ടിക്കെതിരെ ലൈംഗികാതിക്രമം; മധ്യവയസ്കന് ഏഴു വർഷം തടവും പിഴയും
Apr 24, 2025, 19:18 IST
സുൽത്താൻ ബത്തേരി : പ്രായപൂർത്തിയാവാത്ത കുട്ടിക്കെതിരെ ലൈംഗികാതിക്രമം നടത്തിയ കേസിൽ മധ്യവയസ്കന് ഏഴുവർഷം തടവും 6000 രൂപ പിഴയും വിധിച്ചു. പാലക്കാട് ആലത്തൂർ പുളിക്കൽ പറമ്പ് വീട്ടിൽ പ്രദീപിനെയാണ് (52) ബത്തേരി ഫാസ്റ്റ് ട്രാക്ക് കോടതി ജഡ്ജി ഹരിപ്രിയ പി. നമ്പ്യാർ ശിക്ഷിച്ചത്.
tRootC1469263">മീനങ്ങാടി പൊലീസ് സ്റ്റേഷനിൽ 2023 ഡിസംബറിൽ രജിസ്റ്റർ ചെയ്ത കേസിലാണ് നിർണായക വിധി. അന്നത്തെ മീനങ്ങാടി സബ് ഇൻസ്പെക്ടറായിരുന്ന സി. രാംകുമാർ കേസിലെ ആദ്യാന്വേഷണം നടത്തുകയും അന്നത്തെ എസ്.എം.എസ് ഡിവൈ.എസ്.പി പി.കെ. സന്തോഷ് കേസന്വേഷണം പൂർത്തിയാക്കി കുറ്റപത്രം സമർപ്പിക്കുകയുമായിരുന്നു.
സി.പി.ഒമാരായ സബിത, സിന്ധു, പുഷ്പ എന്നിവരും അന്വേഷണ സംഘത്തിലുണ്ടായിരുന്നു. പ്രോസിക്യൂഷനുവേണ്ടി സ്പെഷൽ പ്രോസിക്യൂട്ടർ അഡ്വ. ഓമന വർഗീസ് ഹാജരായി.