പാലക്കാട് വാഹനത്തിൽ ഒളിപ്പിച്ച നിലയിൽ സ്‌ഫോടക വസ്തുക്കളുമായി രണ്ട് പേർ പിടിയിൽ

പാലക്കാട്: വാഹനത്തിൽ ഒളിപ്പിച്ച നിലയിൽ സ്‌ഫോടക വസ്തുക്കളുമായി രണ്ട് പേർ പിടിയിൽ. എറണാകുളം സ്വദേശി ജെയിംസ് മാത്തച്ചൻ, തൃശൂർ സ്വദേശി വിവേക് വിൽസൺ എന്നിവരാണ് പിടിയിലായത്.

എക്സൈസ് റെയ്ഡിനിടയിൽ പാലക്കാട് ചിറ്റൂരിൽ വീടിനു സമീപം നിർത്തിയിട്ടിരുന്ന പിക്കപ്പ് വാഹനത്തിലാണ് 14000 ജെലാറ്റിൻ സ്റ്റിക്ക്, 6000 ഡിറ്റണേറ്റർ എന്നിവ കണ്ടെത്തിയത്. പ്രതികളെയും തൊണ്ടി മുതലും കൊഴിഞ്ഞാമ്പാറ പൊലീസിന് കൈമാറി. പാലക്കാട്‌ എക്സൈസ് സർക്കിൾ ഓഫീസിലെ എക്സൈസ് ഇൻസ്‌പെക്ടർ കെ എസ് സജിത്തിന്‍റെ നേതൃത്വത്തിലാണ് റെയ്ഡ് നടന്നത്.