മസ്കത്ത്-കൊച്ചി എയർഇന്ത്യ എക്സ്പ്രസിൽ വിമാനത്തിൽ പുകവലിച്ച യുവാവ് അറസ്റ്റിൽ

നെടുമ്പാശ്ശേരി: വിമാനത്തിനുള്ളിൽ പുകവലിച്ചതിന് പാലക്കാട് സ്വദേശി മണികണ്ഠൻ (25) അറസ്റ്റിൽ . എയർഇന്ത്യ എക്സ്പ്രസ് വിമാനത്തിൽ മസ്‌കത്തിൽ നിന്ന്‌ കൊച്ചിയിലേക്കുള്ള യാത്രക്കിടെയാണ് പുകവലിച്ചത്.

വിമാന ശൗചാലയത്തിൽനിന്ന്‌ പുക പുറത്തേക്കുവരുന്നത് ശ്രദ്ധയിൽ പെട്ടതിനെ തുടർന്ന് നടത്തിയ പരിശോധനയിലാണ് ഇത് കണ്ടെത്തിയത്. എയർഇന്ത്യ എക്സ്പ്രസ് സുരക്ഷാ വിഭാഗക്കാരന്റെ പരാതിയെത്തുടർന്ന് നെടുമ്പാശ്ശേരി പോലീസാണ് ഇയാളെ അറസ്റ്റ് ചെയ്തത്. പിന്നീട് ജാമ്യത്തിൽ വിട്ടു.