താനെയിൽ പത്ത് വയസുകാരിയെ പീഡിപ്പിച്ച് കൊലപ്പെടുത്തിയ പ്രതി പിടിയിൽ

മുംബൈ: മുംബൈ താനെയിൽ പത്ത് വയസുകാരിയെ പീഡിപ്പിച്ച് കൊലപ്പെടുത്തിയ പ്രതി പിടിയിൽ. കുട്ടിയുടെ തൊട്ടടുത്ത ഫ്ലാറ്റിലെ താമസക്കാരനായ 19കാരനായ പ്രതി ആസിഫ് മൻസൂരിയാണ് പോലീസിന്റെ പിടിയിലായത്. തിങ്കളാഴ്ച രാത്രിയാണ് ക്രൂരമായ സംഭവം നടന്നത്.

സ്കൂൾ വിട്ടുവന്ന് കെട്ടിടത്തിൻറെ സമീപത്ത് കളിക്കുകയായിരുന്ന കുട്ടിക്ക് പ്രതി ചോക്ലേറ്റ് നൽകുകയായിരുന്നു. തുടർന്ന് പാർപ്പിട സമുച്ചയത്തിലെ ആളൊഴിഞ്ഞ സ്ഥലത്തേക്ക് കൊണ്ടുപോയി പീഡിപ്പിക്കുകയായിരുന്നു. കുട്ടിയെ പീഡിപ്പിച്ച ശേഷം കുത്തി കൊലപ്പെടുത്തിയെന്നാണ് പ്രതി പോലീസിന് നൽകിയ മൊഴി. മൃതദേഹം ഫ്ലാറ്റിൻറെ ജനാലയോട് ചേർന്നുള്ള മലിനജലം ഒഴുകുന്ന ഓവുചാലിലേക്ക് തള്ളിയിടുകയായിരുന്നു.