തൃശ്ശൂരിൽ എംഡിഎംഎയുമായി യുവാവ് പിടിയിൽ

തൃശ്ശൂർ: തൃശ്ശൂരിൽ എംഡിഎംഎയുമായി യുവാവ് പിടിയിൽ. പുളിഞ്ചോട് അയ്യങ്കാളി റോഡിൽ വെച്ചാണ് പടിയൂർ മുഞ്ഞനാട് സ്വദേശി മുഹമ്മദ് ബഷീർ (29) പൊലീസിന്റെ പിടിയിലായത്. മതിലകം പൊലീസും ഡാൻസാഫ് ടീമും ചേർന്നാണ് ഇയാളെ അറസ്റ്റ് ചെയ്തത്. സ്കൂട്ടരിൽ വരുന്നതിനിടെ ഇയാളെ പൊലീസ് സംഘം തടഞ്ഞ് നിർത്തി അറസ്റ്റ് ചെയ്യുകയായിരുന്നു. മുഹമ്മദ് ബഷീറിൽ നിന്ന് 2.58 ഗ്രാം എംഡിഎംഎ പിടിച്ചെടുത്തിട്ടുണ്ടെന്ന് പൊലീസ് വ്യക്തമാക്കി.

അതേസമയം തൃശ്ശൂർ പെരിഞ്ഞനം ഭാഗത്ത് നിന്നും മതിലകം ഭാഗത്തേക്ക് സ്കൂട്ടറിൽ വരികയായിരുന്ന ഇയാളെ, രഹസ്യ വിവരത്തിൻ്റെ അടിസ്ഥാനത്തിൽ തടഞ്ഞ് നിർത്തി പരിശോധിച്ചപ്പോഴാണ് എംഡിഎംഎ കണ്ടെത്തിയത്. മതിലകം പൊലീസ് സ്റ്റേഷൻ ഹൗസ് ഓഫീസർ എം.കെ ഷാജി, സബ് ഇൻസ്പെക്ടർ രമ്യ കാർത്തികേയൻ തുടങ്ങിയവർ ഉൾപ്പെട്ട പൊലീസ് സംഘമാണ് പരിശോധന നടത്തിയത്.