കാസർഗോഡ് എംഡിഎംഎയുമായി യുവാക്കൾ പിടിയിൽ

കാസർഗോഡ് : കാസർഗോഡ് എംഡിഎംഎയുമായി രണ്ടുപേർ പൊലീസിൻറെ പിടിയിൽ. 6.290 ഗ്രം എംഡിഎംഎ യാണ് ഇവരിൽ നിന്ന് പിടികൂടിയത്.

മുഹമ്മദ് സുഹൈൽ (27), മുഹമ്മദ് റഫീഖ് (39) എന്നിവരാണ് പിടിയിലായത്. പൊലീസ് പട്രോളിങിനിടെ എടനാട്‌ വെച്ച് സംശയാസ്പദമായി രണ്ടുപേർ സ്കൂട്ടിയുമായി നിൽക്കുന്നത് കണ്ട് പരിശോധനയ്ക്കായി വാഹനത്തിനടുത്തെത്തിയപ്പോൾ ഇവർ കടന്നുകളയാൻ ശ്രമിക്കുകയായിരുന്നു. തുടർന്ന് രക്ഷപ്പെടാൻ ശ്രമിച്ച രണ്ട് പേരെയും പൊലീസ് പിടികൂടി പരിശോധിച്ചു. പരിശോധനയിലാണ് എംഡിഎംഎ കണ്ടെത്തിയത്.