അരൂരിൽ എംഡിഎംഎയുമായി യുവാവ് പിടിയിൽ

അരൂർ: അരൂർ തോസ്ഥാന കോളനി ഭാഗത്ത് 4.78 ഗ്രാം എംഡിഎംഎയുമായി യുവാവ് പൊലീസിന്റെ പിടിയിലായി. തോസ്ഥാന കോളനി സ്വദേശി എഡിസൺ ആണ് അറസ്റ്റിലായത്. ഇയാളുടെ വീടിന്റെ പരിസരത്തുനിന്നാണ് അരൂർ എസ്എച്ച്ഒയുടെ നേതൃത്വത്തിലുള്ള സ്ക്വാഡ് ലഹരിമരുന്ന് പിടികൂടിയത്.

നിരവധി ക്രിമിനൽ കേസുകളിൽ പ്രതിയായ ഇയാൾ അരൂർ പൊലീസ് സ്റ്റേഷനിലെ റൗഡി ലിസ്റ്റിൽ ഉൾപ്പെട്ടയാളാണ്. എസ്എച്ച്ഒ അബീഷ്, എസ്ഐ സാജൻ, സീനിയർ സിപിഒമാരായ ശ്രീജിത്ത്, ബിജോയ്, റിക്ഷോഭ്, സിപിഒമാരായ കിരൺ, ജിതിൻ, നിത്യ, ഷാൻ, പ്രശാന്ത് എന്നിവർ ഉൾപ്പെട്ട സംഘമാണ് പ്രതിയെ പിടികൂടിയത്.