വയനാട്ടിൽ 4.41 ഗ്രാം എംഡിഎംഎയുമായി യുവാവും യുവതിയും പിടിയിൽ

‌
കൽപ്പറ്റ: വയനാട്ടിൽ എംഡിഎംഎയുമായി യുവാവും യുവതിയും പിടിയിൽ.4.41 ഗ്രാം എംഡിഎംഎ ആണ് ഇരുവരിൽ നിന്നുമായി പിടിച്ചെടത്ത്.നഗരത്തിന് സമീപം ലക്കിടിയിൽ പുലർച്ചെ വാഹന പരിശോധന നടത്തുകയായിരുന്നു സർക്കിൾ ഇൻസ്‌പെക്ടർ ടി ഷറഫുദ്ദീന്റെ നേതൃത്വത്തിലുള്ള എക്‌സൈസ് സർക്കിളിലെയും, റെയിഞ്ചിലെയും ഉദ്യോഗസ്ഥരും വയനാട് എക്‌സൈസ് ഇന്റലിജൻസ് വിഭാഗവും. വാഹനങ്ങൾ പരിശോധിക്കുന്നതിനിടെ യുവാവും യുവതിയും മാത്രമുള്ള കാറും കൽപ്പറ്റ ഭാഗത്തേക്കായി എത്തി. നിർത്താൻ ആവശ്യപ്പെട്ട് വിവരങ്ങൾ ചോദിച്ചറിയുന്നതിനിടെ തന്നെ വാഹനത്തിലുണ്ടായിരുന്നവർ പരുങ്ങലിലായി. ഇതോടെ വനിത ഉദ്യോഗസ്ഥരടക്കം കാറിനുള്ളിൽ വിശദമായി പരിശോധന തുടങ്ങി.