.jpg)
മണിപ്പൂരിൽ 55.52 കോടിയുടെ മയക്കുമരുന്ന് പിടികൂടി
ഇംഫാൽ: മണിപ്പൂരിലെ ചുരാചാന്ത്പുർ ജില്ലയിൽ നിന്ന് 55.52 കോടി രൂപയുടെ മയക്കുമരുന്നാണ് പിടികൂടിയത്. ഡയറക്ടറേറ്റ് ഓഫ് റവന്യു ഇന്റലിജൻസ്‌(ഡിആർഐ), കസ്റ്റംസ്, അസം റൈഫിൾസ്, മണിപ്പൂർ പോലീസ് എന്നിവ സംയുക്തമായി ജൂൺ അഞ്ചുമുതൽ ഏഴുവരെ ജില്ല അതിർത്തിയിൽ നടത്തിവന്ന ‘ഓപ്പറേഷൻ വൈറ്റ് വെയിലി’ന്റെ ഭാഗമായാണ് വൻതോതിൽ മയക്കുമരുന്ന് പിടികൂടിയത്.
tRootC1469263">അതേസമയം മ്യാൻമറുമായി അതിർത്തി പങ്കിടുന്ന ബെഹിയാങ് ഗ്രാമത്തിൽവെച്ച് സംശയാസ്പദമായി കാണപ്പെട്ട രണ്ടാളുകളെ പിന്തുടരുകയും, സിംഘാട്ട് സബ് ഡിവിഷനിൽ തഡൗ വെങിലെ ഒരു വീട്ടിൽ നടത്തിയ പരിശോധനയിൽ 219 സോപ്പുപെട്ടികളിലായി സൂക്ഷിച്ചിരുന്ന ഹെറോയിനും 8 ചെറിയ ടിന്നുകളിൽ സൂക്ഷിച്ചിരുന്ന കറുപ്പും കണ്ടെടുത്തു. കൂടാതെ രണ്ട് വാക്കി-ടോക്കിയും 7,58,050 രൂപയും പിടിച്ചെടുത്തു. മയക്കുമരുന്ന് സൂക്ഷിച്ചിരുന്ന വീട്ടിൽ നിന്ന് ഒരാളെയും രക്ഷപ്പെട്ടോടിയ രണ്ടാളുകളെ ബവൽക്കോട്ട് ചെക്ക്‌ഗെയ്റ്റിന് സമീപത്തു നിന്നും പിടികൂടി.
