.jpg)
മലപ്പുറത്ത് നിന്നും അഞ്ചു ലക്ഷം രൂപ തട്ടിയെടുത്ത കേസിലെ പ്രതി പിടിയിൽ
നെടുങ്കണ്ടം: മലപ്പുറത്ത് നിന്നും അഞ്ചു ലക്ഷം രൂപ തട്ടിയെടുത്ത് ഇടുക്കി രാമക്കൽമേട്ടിലെ റിസോർട്ടിൽ ഒളിവിൽ കഴിഞ്ഞിരുന്ന യുവാവിനെ പൊലീസ് പിടികൂടി. കോഴിക്കോട് ചങ്ങരോത്ത് സ്വദേശി പുത്തലാട്ട് ജുനൈദിനെയാണ് (25) നെടുങ്കണ്ടം പൊലീസിന്റെ സഹായത്തോടെ കോട്ടക്കൽ പൊലീസ് പിടികൂടിയത്.
tRootC1469263">മലപ്പുറം കോട്ടക്കൽ പറമ്പലങ്ങാടിയിൽ വെച്ച് മലപ്പുറം പുത്തനത്താണി വീട്ടിലകത്ത് മുഹമ്മദ് ഫായീസിൻറെ (23) പണമാണ് കവർന്നത്. സംഭവത്തിൽ ജുനൈദിൻറെ സഹോദരൻ ജവാദിനെ (22) നേരത്തെ കോട്ടക്കൽ പൊലീസ് അറസ്റ്റ് ചെയ്തിരുന്നു.
ഇയാൾ റിമാൻഡിലാണ്. കഴിഞ്ഞ ഒക്ടോബർ ഏഴിന് രാത്രി 10ന് കോട്ടക്കൽ പറമ്പലങ്ങാടി ക്ലബ് സുലൈമാനി എന്ന സ്ഥാപനത്തിന്റെ പരിസരത്താണ് കൊള്ള നടന്നത്. ജുനൈദ് മൂന്ന് വർഷം മുമ്പ് രാമക്കൽമേട്ടിലെ റിസോർട്ടിൽ ജോലി ചെയ്തിരുന്നു. ആ പരിചയത്തിലാണ് വീണ്ടും ഇവിടെ എത്തിയത്. കേസിലെ മൂന്നാം പ്രതി ഒളിവിലാണ്. കോട്ടക്കൽ പൊലീസ് സബ് ഇൻസ്പെക്ടർ എൻ.റിഷാദലിയുടെ നേതൃത്വത്തിലുള്ള സംഘമാണ് രാമക്കൽമേട്ടിലെത്തിയത്.
