പ​ട്ടാ​പ്പ​ക​ൽ വീ​ട് വെ​ട്ടി​പ്പൊ​ളി​ച്ച് സ്വ​ർ​ണ​വും പ​ണ​വും ക​വ​ർ​ന്ന സംഭവം ; സ്ത്രീ ഉൾപ്പെടെ മൂന്നുപേർകൂടി പിടിയിൽ

Whatsapp Group

പീ​രു​മേ​ട് ഡി​വൈ.​എ​സ്.​പി വി​ശാ​ൽ ജോ​ൺ​സ​ണി​ൻറെ മേ​ൽ​നോ​ട്ട​ത്തി​ൽ പ്ര​ത്യേ​ക അ​ന്വേ​ഷ​ണ സം​ഘ​ത്തി​ലെ എ​സ്.​ഐ​മാ​രാ​യ ജെ​ഫി ജോ​ർ​ജ്, അ​ന​ന്ദു മോ​ഹ​ൻ, സു​ബൈ​ർ, സ​ലി​ൽ ര​വി എ​ന്നി​വ​ർ ചേ​ർ​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്. മോ​ഷ​ണ​വു​മാ​യി ബ​ന്ധ​പ്പെ​ട്ട് നേ​ര​ത്തേ കോ​ന്നി സ്വ​ദേ​ശി​ക​ളാ​യ സോ​ണി (26), ജോ​മോ​ൻ (36) എ​ന്നി​വ​രെ പൊ​ലീ​സ് അ​റ​സ്റ്റ് ചെ​യ്തി​രു​ന്നു. ഇ​തി​ൽ ജോ​മോ​ൻറെ ഭാ​ര്യ​യു​ടെ മാ​താ​വാ​ണ് ഇ​പ്പോ​ൾ അ​റ​സ്റ്റി​ലാ​യ പൊ​ന്നു​ത്താ​യി. ഓ​ട​മേ​ട്ടി​ലെ വീ​ട്ടി​ൽ​നി​ന്ന്​ തോ​മ​സി​ൻറെ കു​ടും​ബം നാ​ട്ടി​ൽ പോ​യ ത​ക്കം​നോ​ക്കി​യാ​യി​രു​ന്നു മോ​ഷ​ണം.

ത​ടി​വ്യാ​പാ​രി​യാ​യ തോ​മ​സി​ൻറെ സ​ഹാ​യി​യാ​യി ന​ട​ന്നി​രു​ന്ന ജോ​മോ​ൻ സം​ഭ​വ ദി​വ​സം അ​മ​രാ​വ​തി​യി​ൽ മ​രം വാ​ങ്ങാ​നെ​ന്ന പേ​രി​ൽ തോ​മ​സി​നെ വീ​ട്ടി​ൽ​നി​ന്ന്​ കൂ​ട്ടി​പ്പോ​വു​ക​യും മ​റ്റു​ള്ള​വ​ർ ഈ ​സ​മ​യ​ത്ത് വീ​ട്ടി​ൽ ക​യ​റി മോ​ഷ​ണം ന​ട​ത്തു​ക​യു​മാ​യി​രു​ന്നു. പി​ന്നീ​ട്, മോ​ഷ​ണ​സം​ഘ​ത്തെ ഓ​ട്ടോ​യി​ൽ ജോ​മോ​ൻ കു​മ​ളി​യി​ലെ​ത്തി​ച്ചു. സം​ഘ​ത്തി​ലെ ജോ​മോ​നും ജോ​ൺ​സ​ണും റാ​ന്നി​യി​ലേ​ക്ക് ബൈ​ക്കി​ലും മ​റ്റു ര​ണ്ടു​പേ​ർ വേ​ളാ​ങ്ക​ണ്ണി​യി​ലേ​ക്കും ക​ട​ന്നു.

പോ​കും​വ​ഴി മ​ധു​ര​യി​ൽ വെ​ച്ചാ​ണ് പൊ​ന്നു​ത്താ​യി​യെ സ്വ​ർ​ണം ഏ​ൽ​പി​ച്ച് കു​റ​ച്ച്​ തു​ക കൈ​പ്പ​റ്റി​യ​ത്. റാ​ന്നി​യി​ലേ​ക്ക് പോ​യ ജോ​മോ​നും ജോ​ൺ​സ​ണും സ​ഞ്ച​രി​ച്ച ബൈ​ക്ക് മ​റ്റൊ​രു വാ​ഹ​ന​ത്തി​ലി​ടി​ച്ച് അ​പ​ക​ടം ഉ​ണ്ടാ​യ​തോ​ടെ പൊ​ലീ​സ് ഇ​വ​രെ ക​ണ്ടെ​ത്തി കു​മ​ളി പൊ​ലീ​സി​ൽ വി​വ​രം അ​റി​യി​ക്കു​ക​യാ​യി​രു​ന്നു. മ​റ്റ്​ ര​ണ്ടു​പേ​രെ വേ​ളാ​ങ്ക​ണ്ണി​യി​ൽ​നി​ന്നും പൊ​ന്നു​ത്താ​യി​യെ മ​ധു​ര​യി​ൽ​നി​ന്നു​മാ​ണ് പൊ​ലീ​സ് സാ​ഹ​സി​ക​മാ​യി പി​ടി​കൂ​ടി​യ​ത്. അ​റ​സ്റ്റി​ലാ​യ പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു. മോ​ഷ​ണ​മു​ത​ലി​ൽ മൂ​ന്നു​പ​വ​നും 35,000 രൂ​പ​യും ക​ണ്ടെ​ടു​ത്തി​ട്ടു​ണ്ട്. അ​റ​സ്റ്റി​ലാ​യ​വ​ർ നി​ര​വ​ധി മോ​ഷ​ണ​ക്കേ​സു​ക​ളി​ലെ പ്ര​തി​ക​ളാ​ണ്.