കോട്ടയത്ത് ക്ഷേത്രത്തിൽ മോഷണം

കോട്ടയം: കോട്ടയം പാറപ്പാടം ദേവീക്ഷേത്രത്തിലെ 26 തൂക്കുവിളക്കുകൾ മോഷണം പോയി. ക്ഷേത്രത്തിന്റെ ചുറ്റുമതിലിനുള്ളിൽ സൂക്ഷിച്ചിരുന്ന 26 തൂക്കുവിളക്കുകൾ ആണ് മോഷണം പോയത്. 47 വിളക്കുകൾ ഉണ്ടായിരുന്നതിൽ 21 എണ്ണം അഴിച്ചു വെച്ചെങ്കിലും മോഷ്ടിക്കാൻ സാധിച്ചില്ല.

ഇന്ന് പുലർച്ചെ രണ്ട് മണിയോടെയാണ് സംഭവം ഉണ്ടായത്. പാറപ്പാടം ക്ഷേത്രത്തിലെ ചുറ്റുമതിലിനുള്ളിൽ തൂക്കുവിളക്കുകൾ വെച്ചിരുന്നു. ഈ വിളക്കുകൾ ദീപാരാധനാ സമയത്ത് അടക്കം തെളിയ്ക്കുന്നതാണ്. ഈ വിളക്കുകളിൽ 26 എണ്ണമാണ് മോഷ്ടാവ് കവർന്നത്.