നൈജീരിയയിൽ ജോലി വാഗ്ദാനം ചെയ്ത് യുവാക്കളിൽ നിന്ന് ലക്ഷങ്ങൾ തട്ടിയ സംഭവം : കോട്ടയം സ്വദേശി പിടിയിൽ

 
വിഴിഞ്ഞം: നൈജീരിയയിൽ ജോലി വാഗ്ദാനം ചെയ്ത് യുവാക്കളിൽ നിന്നു ലക്ഷങ്ങൾ തട്ടിപ്പ് നടത്തിയ കോട്ടയം സ്വദേശി പിടിയിൽ.വൈറ്റില സിൽവർ ഐലന്റിലെ ഫ്‌ളാറ്റിൽ മാസം മുപ്പതിനായിരം രൂപ വാടകയ്ക്ക് താമസിക്കുന്ന ഇയാൾ കെമിൽകയ ഏവിയേഷൻ എന്ന അന്താരാഷ്ട്ര കമ്പനിയുടെ ഡയറക്ടർ എന്ന പേരു പറഞ്ഞാണ് തട്ടിപ്പ് നടത്തിയത്.

 കോട്ടയം പുതുപ്പള്ളി ചിറക്കോട് ഹൗസിൽ ഡോൺ സൈമൺ (57) ആണ് അറസ്റ്റിലായത്. വെങ്ങാനുർ സ്വദേശികളായ അഭിജിത്, അരുൺ എന്നിവരിൽനിന്നായി ഒരു ലക്ഷം രൂപ പ്രതി തട്ടിയെടുക്കുകയായിരുന്നു.നിരവധി പേരെ ഇയാൾ കബളിപ്പിച്ചതായി വിഴിഞ്ഞം പോലീസ് അറിയിച്ചു.