.jpg)
കർണാടകയിൽ 13കാരിയെ പിടിച്ചു കൊണ്ടുപോയി കൂട്ടബലാത്സംഗം ; പത്താംക്ലാസ് വിദ്യാർത്ഥികൾ ഉൾപ്പെടെ മൂന്ന് പേർ പിടിയിൽ
കർണാടകയിൽ 13കാരിയെ പിടിച്ചു കൊണ്ടുപോയി പ്രായപൂർത്തിയാകാത്ത ആൺകുട്ടികൾ കൂട്ടമാനഭംഗത്തിനിരയാക്കി.ധാർവാഡ് ജില്ലയിലെ ഹുബ്ബള്ളിയിലാണ് സംഭവം. വീട്ടിൽ മാതാപിതാക്കൾ ഇല്ലാതിരുന്ന സമയം ഇവിടെയെത്തിയ ആൺകുട്ടികൾ പെൺകുട്ടിയെ പിടിച്ചുകൊണ്ടുപോയി ഒറ്റപ്പെട്ട സ്ഥലത്തെത്തിച്ച് മാനഭംഗപ്പെടുത്തുകയായിരുന്നു. സംഭവത്തിൽ 14-15 വയസുകാരായ മൂന്നു ആൺകുട്ടികളെ കസ്റ്റഡിയിൽ എടുത്തതായി ഹുബ്ബളിളി ധാർവാഡ് പൊലീസ് കമ്മിഷണർ എൻ. ശശികുമാർ അറിയിച്ചു.
tRootC1469263">
പ്രതികളിൽ രണ്ടുപേർ ഹൈസ്കൂൾ വിദ്യാർത്ഥികളാണെന്നും മൂന്നാമൻ സ്കൂൾ പഠനം ഉപേക്ഷിച്ചയാളാണെന്നും പൊലീസ് പറഞ്ഞു. മാനഭംഗപ്പെടുത്തുന്നതിന്റെ വീഡിയോ കൈവശമുണ്ടെന്ന് പറഞ്ഞ് പെൺകുട്ടിയെ പ്രതികൾ ഭീഷണിപ്പെടുത്തിയതായും മാതാപിതാക്കൾ നൽകിയ പരാതിയിൽ പറയുന്നു. ഇതിന്റെയടിസ്ഥാനത്തിൽ ഇവരുടെ മൊബൈൽ ഫോണുകളും കസ്റ്റഡിയിലെടുത്തതതായും അന്വേഷണം പുരോഗമിക്കുകയാണെന്നും ഉദ്യോഗസ്ഥൻ കൂട്ടിച്ചേർത്തു.
