ശാസ്താംകോട്ടയിൽ മാരക ലഹരി ഉൽപന്നങ്ങളുമായി യുവാവ് അറസ്റ്റിൽ
Mar 18, 2023, 11:31 IST
ശാസ്താംകോട്ട: പതാരത്ത് നിന്നും മാരക ലഹരി ഉൽപന്നങ്ങളുമായി യുവാവ് അറസ്റ്റിൽ. ശൂരനാട് തെക്ക് കിടങ്ങയം വടക്ക് കൃഷ്ണപുരി മഠത്തിൽ കൃഷ്ണപ്രസാദാണ് (25) പിടിയിലായത്. ഇയാളിൽനിന്ന് 10 മി.ഗ്രാം എം.ഡി.എം.എയും 10 ഗ്രാം കഞ്ചാവും കണ്ടെടുത്തു. ശാസ്താംകോട്ട എക്സൈസ് റേഞ്ച് ഇൻസ്പെക്ടർ എൻ.ജി. അജയകുമാറിന്റെ നേതൃത്വത്തിൽ നടത്തിയ പരിശോധനയിലാണ് ലഹരി പദാർഥങ്ങൾ പിടികൂടിയത്. പ്രതിക്കെതിരെ എൻ.ഡി.പി.എസ് പ്രകാരം കേസെടുത്തു.