ബൈക്കിൽ സഞ്ചരിക്കുകയായിരുന്ന യുവാവിനെ തടഞ്ഞുനിർത്തി കഴുത്തിന് കുത്തിപ്പരിക്കേൽപ്പിച്ചു

ഒറ്റപ്പാലം വരോട് ബൈക്കിൽ സഞ്ചരിക്കുകയായിരുന്ന യുവാവിനെ തടഞ്ഞുനിർത്തി കഴുത്തിന് കുത്തിപ്പരിക്കേൽപ്പിച്ചു. വരോട് ചേപ്പയിൽ രാഹുലി (29) നാണ് ആക്രമണത്തിൽ ഗുരുതരമായി പരിക്കേറ്റത്. കഴിഞ്ഞ ദിവസം കുണ്ടുപറമ്പ് ജങ്ഷനിൽ വെച്ചായിരുന്നു സംഭവം നടന്നത്. 2021-ൽ കൊല്ലപ്പെട്ട സുഹൃത്ത് പ്രശാന്തിന്റെ കേസിൽ സാക്ഷികളെ കോടതിയിൽ ഹാജരാക്കാൻ രാഹുൽ സജീവമായി ഇടപെട്ടിരുന്നു. ഇതിലുള്ള മുൻവൈരാഗ്യമാണ് ആക്രമണത്തിന് പിന്നിലെന്ന് പോലീസ് വ്യക്തമാക്കി.