കാ​ഞ്ഞ​ങ്ങാ​ട് പ്രവാസിയെ വെട്ടി പരിക്കേൽപ്പിച്ച ആറു പേർക്കെതിരെ വധശ്രമക്കേസ്

കാ​ഞ്ഞ​ങ്ങാ​ട്: നെ​ല്ലി​ത്ത​റ​യി​ൽ ക​ഴി​ഞ്ഞ രാ​ത്രി ന​ട​ന്ന അ​ക്ര​മ​ത്തി​ന് കാ​ര​ണം ഗ​ൾ​ഫി​ലെ കു​ടി​പ്പ​ക. ആ​റു പേ​ർ​ക്കെ​തി​രെ വ​ധ​ശ്ര​മ​ത്തി​ന് ഹോ​സ്​​ദു​ർ​ഗ് പൊ​ലീ​സ് കേ​സെ​ടു​ത്തു. പ്ര​തി​ക​ളെ തി​രി​ച്ച​റി​ഞ്ഞു.

മാ​വു​ങ്കാ​ൽ നെ​ല്ലി​ത്ത​റ​യി​ൽ ബൈ​ക്കു​ക​ളി​ലെ​ത്തി​യ സം​ഘം യു​വാ​വി​നെ വെ​ട്ടി​വീ​ഴ്ത്തി​യ സം​ഭ​വ​ത്തി​ൽ പ്ര​തി​ക​ൾ​ക്കാ​യി അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യി പൊ​ലീ​സ് പ​റ​ഞ്ഞു. കൊ​ട​വ​ല​ത്തെ ച​ന്ദ്ര​ൻ (47) വെ​ട്ടേ​റ്റ സം​ഭ​വ​ത്തി​ൽ കോ​ട്ട​പ്പാ​റ വാ​ഴ​ക്കോ​ടി​ലെ അ​ജി​ത്ത്, മ​റ്റ് ക​ണ്ടാ​ല​റി​യാ​വു​ന്ന അ​ഞ്ചു പേ​ർ​ക്കെ​തി​രെ വ​ധ​ശ്ര​മം അ​ട​ക്കം വി​വി​ധ വ​കു​പ്പു​ക​ൾ പ്ര​കാ​ര​മാ​ണ് കേ​സ്.

ച​ന്ദ്ര​ന്‍റെ ഭാ​ര്യ ര​മ്യ​യു​ടെ (36) പ​രാ​തി പ്ര​കാ​ര​മാ​ണ് കേ​സ്. ച​ന്ദ്ര​നും ഭാ​ര്യ​യും ബൈ​ക്കി​ൽ സ​ഞ്ച​രി​ക്ക​വെ​യാ​യി​രു​ന്നു അ​ക്ര​മം. ഇ​ട​തു​കാ​ലി​നും ര​ണ്ട് കൈ​ക​ൾ​ക്കും ക​ത്തി​വാ​ൾ​കൊ​ണ്ട് വെ​ട്ടു​ക​യാ​യി​രു​ന്നു​വെ​ന്ന് പൊ​ലീ​സ് പ​റ​ഞ്ഞു. സ്റ്റീ​ൽ ക​മ്പി​കൊ​ണ്ട് അ​ടി​ച്ചു. ത​ട​യാ​ൻ ശ്ര​മി​ച്ച ഭാ​ര്യ​ക്കും അ​ടി​യേ​റ്റു. ര​ണ്ട് ബൈ​ക്കു​ക​ളി​ലെ​ത്തി​യാ​യി​രു​ന്നു പ്ര​തി​ക​ൾ ച​ന്ദ്ര​നെ വെ​ട്ടി​യ​ത്.

മം​ഗ​ളു​രു ആ​ശു​പ​ത്രി​യി​ൽ ചി​കി​ത്സ​യി​ലാ​ണ് ച​ന്ദ്ര​ൻ. ഒ​ന്നാം പ്ര​തി​യു​ടെ സു​ഹൃ​ത്താ​യ അ​നീ​ഷി​നെ ഷാ​ർ​ജ​യി​ൽ മ​ദ്യ ക​ച്ച​വ​ട​ത്തി​നി​ടെ പൊ​ലീ​സ് പി​ടി​കൂ​ടി​യ​ത് ച​ന്ദ്ര​ൻ ഒ​റ്റി​ക്കൊ​ടു​ത്ത​തു​മൂ​ല​മാ​ണെ​ന്ന് ആ​രോ​പി​ച്ചാ​ണ് പ്ര​തി​ക​ൾ അ​ക്ര​മം ന​ട​ത്തി​യ​തെ​ന്ന് പൊ​ലീ​സി​ൽ ന​ൽ​കി​യ പ​രാ​തി​യി​ൽ പ​റ​ഞ്ഞു.