വയനാട്ടിൽ വീട്ടമ്മയെ ആക്രമിച്ച് മാല കവർന്നയാൾ പിടിയിൽ

മാ​ന​ന്ത​വാ​ടി: വീ​ട്ട​മ്മ​യു​ടെ ത​ല​ക്ക് പ​രി​ക്കേ​ൽ​പ്പി​ക്കു​ക​യും സ്വ​ർ​ണ​മാ​ല ക​വ​ർ​ന്ന് ക​ട​ന്നു​ക​ള​യു​ക​യും ചെ​യ്ത​യാ​ളെ പൊ​ലീ​സ് പി​ടി​കൂ​ടി. പ​ത്ത​നം​തി​ട്ട അ​ടൂ​ർ പ​ന്നി​വി​ള ലി​നു​ഭ​വ​നി​ൽ റോ​ഷ​നെ​ന്ന ലി​ജു​വി​നെ​യാ​ണ് (42) മാ​ന​ന്ത​വാ​ടി ഡി​വൈ.​എ​സ്.​പി പി.​എ​ൽ. ഷൈ​ജു​വി​ന്റെ നേ​തൃ​ത്വ​ത്തി​ൽ അ​റ​സ്റ്റ് ചെ​യ്ത​ത്.

ബു​ധ​നാ​ഴ്ച രാ​വി​ലെ​യാ​ണ് കേ​സി​നാ​സ്പ​ദ​ സം​ഭ​വം. തോ​ൽ​പെ​ട്ടി​യി​ൽ ഒ​റ്റ​ക്ക് താ​മ​സി​ക്കു​ന്ന 52കാ​രി​യാ​യ വീ​ട്ട​മ്മ​യാ​ണ് ആക്ര​മ​ത്തി​നി​ര​യാ​യ​ത്. വി​വി​ധ കേ​സു​ക​ളി​ല​ക​പ്പെ​ട്ട റോ​ഷ​ൻ അ​ടൂ​രി​ൽ നി​ന്ന് തോ​ൽ​പെ​ട്ടി​യി​ലെ​ത്തി പെ​യി​ന്റി​ങ്, കോ​ൺ​ക്രീ​റ്റ് ജോ​ലി​ക​ൾ ചെ​യ്തു വ​രു​ക​യാ​യി​രു​ന്നു. തോ​ൽ​പെ​ട്ടി​യി​ലെ വീ​ട്ടി​ൽ ജോ​ലി​ക്കെ​ത്തി​യ റോ​ഷ​ൻ ഇ​വ​രു​ടെ സ​ഹാ​യ​മ​ന​സ്സ് മു​ത​ലെ​ടു​ത്ത് ഇ​വ​രു​ടെ വീ​ട്ടി​ൽ താ​മ​സ​മാ​ക്കി.

വീ​ടി​ന്റെ പു​റ​ത്തു​നി​ന്നും കോ​ണി​വ​ഴി മു​ക​ളി​ലേ​ക്ക് ക​യ​റാ​വു​ന്ന മു​റി​യി​ലാ​ണ് താ​മ​സി​ച്ചി​രു​ന്ന​ത്. ര​ണ്ടു​ദി​വ​സം വീ​ട്ട​മ്മ വീ​ട്ടി​ലു​ണ്ടാ​യി​രു​ന്നി​ല്ല. തി​രി​കെ വീ​ട്ടി​ലെ​ത്തി​യ​പ്പോ​ൾ വീ​ടി​ന്റെ പ്ര​ധാ​ന വാ​തി​ലി​ന് കേ​ടു​പാ​ടു​സം​ഭ​വി​ച്ച​ത് ക​ണ്ട​തി​നെ തു​ട​ർ​ന്ന് റോ​ഷ​നോ​ട് കാ​ര്യം അ​ന്വേ​ഷി​ച്ചി​രു​ന്നു.

ഈ ​സ​മ​യം പ​ല​തും പ​റ​ഞ്ഞ് ഒ​ഴി​വാ​യ ഇ​യാ​ൾ വീ​ട്ട​മ്മ ന​ൽ​കി​യ ചാ​യ കു​ടി​ച്ച ശേ​ഷം കൈ​യി​ൽ ക​രു​തി​യ കാ​പ്പി​വ​ടി ഉ​പ​യോ​ഗി​ച്ച് ഇ​വ​രു​ടെ ത​ല​ക്ക​ടി​ക്കു​ക​യും ഇ​വ​ർ ധ​രി​ച്ചി​രു​ന്ന ര​ണ്ടു പ​വ​ന്റെ മാ​ല​യു​മാ​യി ക​ട​ന്നു ക​ള​യു​ക​യു​മാ​യി​രു​ന്നു. കാ​സ​ർ​കോ​ടു​ണ്ടെ​ന്ന വി​വ​രം ല​ഭി​ച്ച​തി​നെ തു​ട​ർ​ന്നാ​ണ് ചി​റ്റാ​രി​ക്ക​ൽ പൊ​ലീ​സി​ന്റെ സ​ഹാ​യ​ത്തോ​ടെ റോ​ഷ​നെ പി​ടി​കൂ​ടി​യ​ത്. മാ​ന​ന്ത​വാ​ടി ഇ​ൻ​സ്പെ​ക്ട​ർ എം.​എം. അ​ബ്ദു​ൽ ക​രിം, തി​രു​നെ​ല്ലി എ​സ്.​ഐ വി.​പി. സാ​ജ​ൻ, എ.​എ​സ്.​ഐ ബി​ജു വ​ർ​ഗീ​സ്, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ പി.​ടി. സ​രി​ത്ത്, പി.​ജി. സു​ശാ​ന്ത്, വി.​പി. പ്ര​ജീ​ഷ്, എം.​സി. വി​നീ​ത് എ​ന്നി​വ​രും അ​ന്വേ​ഷ​ണ​ സം​ഘ​ത്തി​ലു​ണ്ടാ​യി​രു​ന്നു.